Bülbül haqqında sənədli film çəkilib

 

Azərbaycanın məşhur vokal ifaçısı Bülbül haqqında ikiseriyalı sənədli film hazırlanıb. Filmin ssenari müəllifi quruluşçu rejissoru Fuad Dadaşovun APA-ya verdiyi məlumata görə, Bülbül haqqında film hazırlamaq ideyası 2004-cü ildə, Rəşid Behbudov barədəRəşid ömrüfilminin təqdimatı zamanı yaranıb: “Bir il sonra filmin ssenarisini hazırladım çəkilişlərə başladım. Filmin çəkilişləri Bakıda, Azərbaycanın rayonlarında Moskva şəhərində aparılıb”. “Qarabağ Bülbülüadlanan film 92 dəqiqədən ibarətdir. Rejissor bildirib ki, bu ekran işinin mükəmməl səviyyədə hazırlanması üçün kifayət qədər vaxta ehtiyac olub: “Bu, sadəcə film deyil. Filmdə Bülbüllə paralel olaraq Azərbaycan mədəniyyətini əks etdirmişəm. Bu filmə baxmaq lazımdır, çünki mən müəllif kimi çox şey deyə bilmirəm. Onu bildirmək istərdim ki, bu filmdə tək rejissor kimi yox, eyni zamanda Bülbü adına Orta İxtisas Məktəbinin yetirməsi, yəni musiqiçi kimi yanaşmam var”. Filmdə arxiv materiallardan da istifadə edilib. Lazımi materialların bir qismi Bülbül Fondu Bülbülün Ev Muzeyindən verilib. Artıq Azərbaycanın Rusiyadakı səfiri Polad Bülbüloğlu da bu filmə baxıb. Filmin təqdimatının 2011-ci ilin ilk aylarında keçirilməsi nəzərdə tutulur Rusiyanın televiziya kanallarında nümayişi istiqamətində danışıqlar aparılır. Filmdə mətn rejissorun dili ilə səslənir.

 

525-ci qəzet.- 2010.- 30 dekabr.- S.7.