“Azərbaycan-Polşa ədəbi-mədəni əlaqələri” müzakirə edilib

Polşanın Qdansk şəhərində Polşa-Azərbaycan Mədəniyyət Cəmiyyətinin təşəbbüsü və Ticarət Palatasının dəstəyi ilə “Azərbaycan-Polşa ədəbi-mədəni əlaqələri” mövzusunda konfrans keçirilib. Bu barədə Mədəniyyət və Turizm Nazirliyinin mətbuat xidmətindən məlumat verilib. Konfransda Azərbaycanın Polşadakı səfirliyinin, Diasporla İş üzrə Dövlət Komitəsinin, Polşa ictimaiyyətinin və Azərbaycan diasporunun nümayəndələri iştirak ediblər. Qeyd edək ki, tədbirdə hər iki ölkə arasında mövcud olan tarixi əlaqələrdən söhbət açılıb, “Azərbaycanın etnik mədəniyyəti”, “Azərbaycanla əlaqəli görkəmli polyaklar”, “Vətənpərvərlik”, “Polşa-Azərbaycan iqtisadi əlaqələri” mövzusunda çıxışlar səslənib.

SARA

525-ci qəzet.- 2010.- 25 fevral.- S.7.