Daşkəsən ərazisində qədim alban məbədi aşkarlanıb

Daşkəsənin Çovdar kəndindən 3 kilometr aralıda, meşəlik ərazidə qədim Alban məbədi aşkar edilib. Divar qalıqlarından belə məlum olur ki, IV-V əsrlərə aid olan bu abidənin ətrafında köməkçi təsərrüfat tikililəri də varmış. Rayon mədəniyyət və turizm şöbəsinin yaydığı məlumata görə, aşkar edilən bu abidə Daşkəsənin tarixi abidələri sırasında sayca 53-cü, alban abidəsi kimi isə 4-cüdür. Məbədin nəzarətə götürülməsi barədə mədəniyyət və turizm nazirliyinə məlumat verilib.

HÜSNİYYƏ

525-ci qəzet.- 2010.- 14 iyul.- S.7.