“Nadir şah” ingilis dilində

Türkoloq alim Yunus Oğuzun Azərbaycanın böyük hökmdarı Nadir şah Avşarın həyat və fəaliyyətindən bəhs edən “Nadir şah” tarixi romanı Londonda ingilis dilində çap olunub. Mədəniyyət və Turizm Nazirliyinin mətbuat xidmətindən verilən məlumata görə, əsəri ingilis dilinə Sevil Gültən tərcümə edib. Romanın ingilis versiyası iki kitabdan ibarət olacaq. Kitabın artıq çapdan çıxan birinci hissəsinin Avstraliya, Yeni Zelandiya, Kanada və digər ölkələrdə yayılacağı nəzərdə tutulur. Qeyd edək ki, Yunus Oğuzun əsərləri fars, rus və türk dillərinə tərcümə olunub. Bu tarixi roman müəllifin sayca səkkizinci kitabıdır.

HÜSNİYYƏ

525-ci qəzet.- 2010.- 22 iyul.- S4.