“Muzeydə musiqi axşamları” bu dəfə Arif Məlikova həsr olunub

“Azərbaycan musiqisinin inkişafı və tədrisi” İctimai Birliyi və İncəsənət Muzeyinin birgə təşkil etdiyi “Muzeydə musiqi axşamları” layihəsi çərçivəsində növbəti konsert reallaşıb. Mərasim xalq artisti, bəstəkar Arif Məlikovun yaradıcılığına həsr olunub. Tədbirdə bəstəkara həsr olunan sənət əsərləri haqqında məlumat verilib. Bakının müxtəlif musiqi məktəblərinin şagirdləri fortepiano, tar, kamança, qarmonda bəstəkarın müxtəlif əsərlərini ifa ediblər. A. Məlikovun yaradıcılıq irsinə 12, 35, 21 saylı, Sumqayıt şəhəri Bülbül adına musiqi məktəbinin, Bülbül adına orta ixtisas məktəbinin şagirdləri və Bakı musiqi Akademiyasının tələbələri nəzər salıb. Gənc musiqiçilər bəstəkarın müxtəlif illərdə yazdığı musiqi əsərlərini səsləndiriblər. Onların ifasında “Prelüdiya”, “İki qəlbin dastanı”, “Məhəbbət əfsanəsi” baletindən, “Ağır vals”, “Qonaq gəl bizə” və başqa sənət nümunələri səslənib.

SARA

525-ci qəzet.- 2010.- 12 iyun.- S.21.