Aşıqlar Birliyinin ilk “Ozan dünyası”

Azərbaycan Aşıqlar Birliyinin mətbu orqanı “Ozan dünyası” jurnalının ilk nömrəsi işıq üzü görüb. Dərgidə Azərbaycan aşıq sənətinin YUNESKO-nun qeyri-maddi mədəni irs siyahısına daxil edilməsi, Azərbaycan aşıqlarının V qurultayı, qurultay nümayəndələrinin prezident İlham Əliyevə müraciəti, qurultayın qətnaməsi yer alıb. Jurnalda həmçinin akademik Bəkir Nəbiyevin, Aşıqlar Birliyinin sədri, xalq şairi Zəlimxan Yaqubun, filologiya elmləri doktoru Məhərrəm Qasımlının, aşıq sənəti üzrə YUNESKO-nun Azərbaycanda eksperti Sənubər Bağırovanın, “Aşıq Pəri” məclisinin sədri Gülarə Azaflının V qurultaydakı çıxışlarının tam mətni öz əksinin tapıb. “Ozan dünyası”nın ilk sayında həmçinin millət vəkilləri Rafael Hüseynov, Qənirə Paşayeva, şair İlyas Tapdıq və digərlərinin aşıq sənətinin görkəmli nümayəndələri haqqında fikirləri və başqa maraqlı materiallar dərc olunub.

SARA

525-ci qəzet.- 2010.- 25 iyun.- S.4.