Samux ərazisində qədim şəhərin qalıqları aşkarlanıb

Samux rayon mədəniyyət və turizm şöbəsindən Mədəniyyət və Turizm Nazirliyinə verilən məlumata görə, rayonun Siracəddin Ağa ziyarətgahı deyilən ərazisində qazıntı işləri aparılarkən burada qədim şəhərin qalıqları aşkar edilib. Nazirliyin əməkdaşları rayon mərkəzindən 35 kilometr aralıda yerləşən həmin ərazidə olub və burada arxeoloji qazıntılar aparılmasının vacibliyini bildiriblər. Mədəniyyət və Turizm Nazirliyindən yaxın vaxtlarda burada Azərbaycan Milli Elmlər Akademiyasının Arxeologiya və Etnoqrafiya İnstitutu əməkdaşlarının qazıntı işləri aparacaqları barədə müsbət cavab alınıb.

SARA

525-ci qəzet.- 2010.- 25 iyun.- S.4.