Rəsul Rzaya həsr olunan ədəbi-bədii gecə təşkil edilib

Xalq şairi Rəsul Rzanın 100 illiyilə bağlı bugünlərdə Daxili İşlər Nazirliyinin Polis Akademiyasında görkəmli söz ustadına həsr olunmuş ədəbi-bədii gecə keçirilib. Görüşü akademiyanın məsul işçisi Nizami Hüseynov açıb və bu cür görüşlərin müdavimlərin təlim-tərbiyyəsində mühüm rol oynadığını söyləyib. Sonra söz şair İlyas Tapdıqa verilib. Rəsul Rza ilə bağlı xatirələrini danışan şair müdavimlərin suallarını cavablandırıb və yeni şeirlərini oxuyub. Şair Qəşəm Nəcəfzadə Rəsul Rzanın həyat və yaradıcılığı haqqında müdavimlərə ətraflı məlumat verərək, onların ədəbiyatla yaxından maraqlanmalarının əhəmiyyətini vurğulayıb. Şair Fəxrəddin Meydanlı tədbirdə vətənpərvərlik ruhlu bir neçə şeirini oxuyub.

GÜNEL

525-ci qəzet.- 2010.- 14 may.- S.7.