“Azərbaycan Qərb ilə Şərq arasında”

Kiyevdə Rusiyanın tanınmış jurnalist və publisisti Yuri Siqovun “Azərbaycan Qərb ilə Şərq arasında” kitabının Ukrayna dilində nəşrinin təqdimatı olub. Kitab Uukrayna dilinə tərcümə edilərək Xarkovdakı “Fort” nəşriyyatında çap olunub. Kitabda müəllifin Azərbaycanda şəhər və kənd sakinləri ilə, işgüzar adamlarla, öz vətənlərinin daha yaxşı və daha zəngin olması üçün səylərini birləşdirmiş müxtəlif millətlərin və dini konfessiyaların nümayəndələri ilə çoxsaylı görüşlərindən bəhs edilir. Bundan başqa ərsəyə gələn nəşrdə Azərbaycanın neft sərvətlərinin mənimsənilməsi tarixi, qlobal enerji layihələrinin həyata keçirilməsi və onların regionda geosiyasi vəziyyətə təsiri barədə olduqca maraqlı və yeni informasiyalar qərarlaşıb. Kitabda Azərbaycanın zəngin mədəniyyətinə və incəsənətinə, milli mətbəxinə də önəmli yer verilib. Bu nəşr yüksək poliqrafik keyfiyyətləri ilə fərqlənir. Kitab fotoşəkillərlə zəngin illüstrasiya edilib. Kitabın təqdimat mərasimi Heydər Əliyev adına Ukrayna-Azərbaycan təhsil, elmi-mədəni, idman mərkəzi və Ukrayna Azərbaycanlıları Konqresinin (UAK) Kiyev bölməsi tərəfindən təşkil olunub.

HÜSNİYYƏ

525-ci qəzet.- 2010.- 5 oktyabr.- S.7.