“Sonuncu romantik” Filarmoniyada

Müslüm Maqomayev adına Azərbaycan Dövlət Filarmoniyasında tanınmış rus şairi, SSRİ Dövlət mükafatı laureatı Andrey Dementyev və beynəlxalq müsabiqələr laureatı, mahnılar müəllifi, müğənni Rizvan Sədirxanovun birgə yaradıcılıq gecəsi baş tutub. Mədəniyyət və Turizm Nazirliyinin dəstəyi ilə keçirilən “Sonuncu romantik” adlı gecədə tanınmış mədəniyyət, incəsənət, ədəbiyyat xadimləri iştirak ediblər. Adıçəkilən nazirliyin mətbuat xidmətindən verilən məlumata görə, mərasimdə çıxış edən Bakı Musiqi Akademiyasının rektoru, xalq artisti Fərhad Bədəlbəyli hər iki sənətkarın orijinal yaradıcılıq üslubundan, özünəməxsus istedadından danışıb. Gecədə Rizvan Sədirxanovla yanaşı, səhnəni gənc müğənnilər Əvəz Abdullayev, Səbinə Əsədova, Nigar Cəbiyeva və Emil Minyaşev bölüşüblər. Sonda Andrey Dementyev və Rizvan Sədirxanov yaradıcılıqlarına göstərilən diqqətə görə mərasim iştirakçılarına minnətdarlıqlarını bildiriblər.

HÜSNİYYƏ

525-ci qəzet.- 2010.- 8 oktyabr.- S.7.