İsveçin Göteborq şəhərində Azərbaycan guşəsi

 

Mədəniyyət Turizm Nazirliyinin nümayəndə heyəti İsveç Krallığının Göteborq şəhərində təşkil olunan İFLA-2010 Beynəlxalq Kitabxana Konfransı çərçivəsində Göteborq şəhər kitabxanası ilə tanış olaraq burada Azərbaycan bölməsinin kitab fondunun zənginləşdirilməsi barədə razılıq əldə ediblər. Bununla əlaqədar Mədəniyyət və Turizm Nazirliyi tərəfindən Azərbaycanın tarixi, dövlətçiliyi, iqtisadiyyatı, mədəniyyəti, incəsənəti, ədəbiyyatı, habelə Ermənistan Azərbaycan, Dağlıq Qarabağ münaqişəsi haqqında kitabelektron nəşrlər kolleksiyası hazırlanaraq Göteborq şəhər Kitabxanasına göndərilib. Mədəniyyət və Turizm Nazirliyinin mətbuat xidmətindən verilən məlumata görə, Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramına müvafiq olaraq Göteborq şəhər Kitabxanasında Azərbaycan guşəsinin yaradılması nəzərdə tutulub. Bundan başqa, Mədəniyyət və Turizm Nazirliyi tərəfindən Tacikistan Respublikasının Milli Kitabxanasının yeni binasının açılışı ilə əlaqədar Azərbaycan haqqında kitabelektron nəşrlər kolleksiyası hazırlanaraq adıçəkilən kitabxanaya göndərilib. Kitab kolleksiyasına Azərbaycan Respublikası Prezidentinin 2004-cü il 12 yanvar tarixli Azərbaycan dilində latın qrafikası ilə kütləvi nəşrlərin həyata keçirilməsi haqqında sərəncamı ilə nəşr olunan kitablar daxil edilib. Elektron nəşrlər kolleksiyasında Azərbaycan mədəniyyətinə dair, habelə Dağlıq Qarabağ münaqişəsini əks etdirən DVD-lər də var.

 

 

HÜSNİYYƏ

 

525-ci qəzet.- 2010.- 12 oktyabr.- S.7.