“Bakı Gecələri-2010” Festivalının ikinci konsert proqramı təqdim olunub

“Bakı Gecələri – 2010” Estrada Mahnı Festivalının növbəti konsert proqramı keçirilib. APA-nın məlumatına görə, mahnı festivalının dünən Azərbaycan Dövlət Musiqili Komediya Teatrında təqdim olunan ikinci konsert proqramında Manana, “Kristal” qrupu, Nadir Qafarzadə, Səyyad Əlizadə, Elçin Cəfərov, Samir Dərgah, Leyla Ramazanlı, Zamiq Hüseynov, İzzət Bağırov, Vaqif Şıxəliyev, Sevinc Musayeva və başqaları çıxış ediblər. Xatırladaq ki, üç konsert proqramından ibarət olan “Bakı gecələri – 2010” Estrada Mahnı Festivalının artıq iki konsert proqramı baş tutub. İlkin üç mərhələdə təqdim olunan mahnılar münsiflər heyəti tərəfindən qiymətləndiriləcək və yüksək bal toplamış əsərlər finala, dekabrın 24-də Heydər Əliyev Sarayında keçiriləcək qala-konsertə vəsiqə qazanacaqlar. Finalda səslənən mahnılar müxtəlif nominasiyalar üzrə mükafatlar uğrunda mübarizə aparacaqlar.

525-ci qəzet.- 2010.- 12 oktyabr.- S.7.