Səhnə sənətimiz dəyərli rejissor İrina Perlovanı itirib

 

Azərbaycan teatr ictimaiyyətinə ağır itki üz verib. Dövlət Gənc Tamaşaçılar teatrının quruluşçu rejissoru, xalq artisti, Prezident təqaüdçüsü İrina Aleksandrovna Perlova uzun sürən xəstəlikdən sonra 14 sentyabr 2010-cu ildə dünyasını dəyişib. 1962-ci ildə Minsk İncəsənət İnstitutunun dramkino aktyorluğu fakültəsini bitirən İ.A.Perlova ilk yaradıcılıq fəaliyyətinə S.Vurğun adına Azərbaycan Dövlət Rus Dram teatrında başlayıb. Bu teatrın səhnəsində Sara (A.P.Çexovİvanov”), Soniçka Marmeladovna (Dostoyevski “Cinayət və cəza”), NastyaNadejda Monaxova (M.Qorki “Həyatın dibində” və “Varvarlar”), Lal Katrin (B.BrextKuraj ana”), Elmira (J.B.MolyerTartuf”), Blanş Dyubua (T.UilyamsArzular Tramvayı”), Yelena (OstrovskiBeluginin evlənməsi”), Elektra (P.Dyurko “Məhəbbətim mənim Elektra”) və başqa obrazlara maraqlı səhnə həyatı bəxş edib. 1991-ci ildə Bakı Kamera Teatrı fəaliyyətə başlayanda rejissor kimi dünya klassikasından 20 tamaşaya quruluş verən İ.Perlova Moskvada, Rusiyadaİranda keçirilən Beynəlxalq Teatr Festivallarında diplomlar və qızıl medallar alıb. Azərbaycan milli teatr sənəti sahəsindəki xidmətlərinə görə İ.A.Perlova 1981-ci ildə əməkdar artist, 2002-ci ildə xalq artisti fəxri adlarına layiq görülüb, 2002-ci ildən isə Prezident təqaüdçüsü idi. Son illər Azərbaycan Dövlət Gənc Tamaşaçılar Teatrında quruluşçu rejissor kimi yaradıcılığını davam etdirən sənətçinin dünya klassiklərinin ən qüdrətli nümunəsi sayılan V.ŞekspirinOtello”, Y.Şvarts “İfritənin kələyi” tamaşaları teatrın repertuarına daxil edilibuğurla oynanılır. İ.A.Perlovanın xatirəsi onu tanıyanların qəlbində yaşayacaq.

 

 

525-ci qəzet.- 2010.- 18 sentyabr.- S.18.