Azərbaycan ədiblərinin əsərlərindən ibarət “Ləçəklər”

Rusiyanın Perm şəhərində Azərbaycan ədiblərinin seçilmiş əsərlərindən ibarət “Lepestki” (“Ləçəklər”) antologiyası işıq üzü görüb. Bu barədə Mədəniyyət və Turizm Nazirliyinin mətbuat xidmətindən məlumat verilib. Kitabda ensiklopedik məlumat xarakterli yazılar və rusdilli oxucu üçün zəruri şərhlər də yer alıb. Rusiya və Azərbaycanın dövlət himnləri ilə açılan kitabda “Koroğlu” və “Qaçaq Nəbi” dastanlarından parçalar, “Küçələrə su səpmişəm” xalq mahnısı, Nizami Gəncəvi, Məhsəti Gəncəvi, Həsənoğlu, İmadəddin Nəsimi, Şah İsmayıl Xətai və başqa Azərbaycan ədiblərinin yaradıcılıqları yer alıb. Oxucu auditoriyası nəzərə alınaraq, mətnlər Azərbaycan, rus və qismən ingilis dilində verilib. Həmyerlimiz İ.Əliyevin hazırladığı kitabın tərtibatçısı Azərbaycanın tanınmış xalçaçı rəssamı D.Eynullaqızı, redaktoru E.Rzazadədir.

SARA

525-ci qəzet.- 2010.- 13 yanvar.- S.7.