İncəsənət Muzeyində “Bakı: 20 Yanvar, 1990-cı il” adlı sərgi açılıb

R.Mustafayev adına Azərbaycan Dövlət İncəsənət Muzeyində “Bakı: 20 Yanvar, 1990-cı il” adlı sərginin açılışı keçirilib. APA-nın məlumatına görə, mədəniyyət və turizm naziri Əbülfəs Qarayev çıxışında bildirib ki, həmin qanlı hadisələrdən illər ötməsinə baxmayaraq, xalqımız o müdhiş gecəni daim xatırlayır, bu faciəni törədənlərə öz dərin nifrətini bildirir: “Çox yaxşıdır ki, İncəsənət Muzeyində, Rəssamlıq Akademiyasında, Rəssamlar İttifaqında saxlanılan əsərlərin arasında məhz bu mövzuya həsr olunmuş çoxlu şəkillər var”. Qeyd edək ki, sərgidə Azərbaycanın tanınmış rəssamlarının 20 Yanvar faciəsilə bağlı 50-dən artıq əsəri nümayiş olunur.

525-ci qəzet.- 2010.- 20 yanvar.- S.7.