“Nəsillərə örnək həyat yolu”

NƏSİR AĞAYEV HAQQINDA KİTAB NƏŞR OLUNUB

Çağdaş Milli Azadlıq Hərəkatının liderlərindən biri, Bakı və Kəndlər Birliyinin qurucusu və ilk sədri Nəsir Ağayev haqqında “Nəsillərə örnək həyat yolu” adlı kitab işıq üzü görüb. “Qanun” nəşriyyatında nəşr olunmuş kitabın müəllifləri araşdırmaçı jurnalist Elman Cəfərli və gənc yazar Təbriz Ağayevdir. Oxucular kitabda Nəsir bəyin zəhmətlə dolu həyat yolu, Azərbaycanın azadlğı və bütövlüyü uğrunda apardığı mübarizə ilə bağlı maraqlı məlumatlarla, eyni zamanda onun tarix və milli dövlətçilklə dair fikirləri ilə tanış olacaqlar. Kitabda Nəsir Ağayevin həyat və fəaliyyətini əks etdirən tarixi fotolar və ayrı-ayrı vaxtlarda mətbuatda dərc olunmuş maraqlı müsahibələri də toplanıb.

525-ci qəzet.- 2011.- 6 dekabr.- S.7.