Gənc rəssamların xalça eskizləri sərgilənib

 

Lətif Kərimov adına Azərbaycan Xalçası Xalq Tətbiqi Sənəti Dövlət MuzeyindəXalçada yeni nəfəsadlı sərgi keçirilib. Sərginin əsas məqsədi mədəniyyətlərarası dialoqda xalçanın rolunu vurğulamaq qədim ənənlərə malik Azərbyacan xalça sənətinə gənclərin münasibətini nümayiş etdirməkdir. Sərgidə Azərbaycan Dövlət Rəsamlıq Akademiyasının üçüncü kurs tələbələri olan Yuliya ƏləkbərovanınGünəşin doğması”, “Analıq”, “Günəş”, “Cənnət bağı”, Leyla VazehinBaharın müjdəsi”, “Xəzanın səsi”, “Yeni nəfəslər”, “Şirin gecə”, Ayturan İbrahimovanınKilim”, “Gənclik nəğməsi”, “Ellərin bayramı”, “Qarşılıqlı sevgi”, Nərmin ƏliyevanınYeni il”, “Quşların rəqsi”, “Sevgi nəğməsi”, “Yarpaqların tökülməsi”, “Nəlbəki gül”, Əli Məşədi QafarlınınTək göl”, “Vidalaşma”, Elvira HüseynovanınBulud”, “Ov əhvalı”, “Böyük buluşma”, İnci SəfərəliyevanınRitm”, Sevgi”, “İki yol”, “Möhkəmlikadlı 28 xalça eskizi nümayiş etdirilib. Tədbirdə çıxış edən Rəssamlar İttifaqının katibi Ağaəli İbrahimov müasir gənclərimizin qədim zəngin sənət növlərindən olan xalçaçılıq sənətini qorumaqla yanaşı, ona həm yeni nəfəs verdiklərini bildirib. O, gənc rəssamların bu istiqamətdəki addımlarını gənclərin qədim xalçaçılıq sənətinə olan həvəs marağının təqdirəlayiq olduğunu qeyd edib. Eskizlərdə dünyanın ən müqəddəs varlığı olan ananın övladına münasibəti, həmçinin insanların gündəlik ritmik həyatlarının müxtəlif çalarları təsvir edilib. Rəssamlar eyni zamanda, öz əsərlərində adət-ənənələrimizi, qədim əyləncə növü olan xoruz döyüşlərini əks etdiriblər. Gənclərin əsərlərinin birində isə insanların zaman-zaman keçirdikləri hisslər rəng çalarları vasitəsilə fəsillərə bənzədilib. Bəzi eskizlərdə isə solğun boyaların fonunda insan övladının heç gözləmədiyi bir anda başına gələn hadisənin təsirindən payızın saralan yarpaqları kimi ümidini itirməsini tənhalığa çəkilərək ətrafdakılara qarşı soyuq münasibətini görmək olar. Gənclərin kağız üzərindəki müxtəlif rəng zəngin naxışlarla həyat verdikləri eskizlərdə insanların həyatda hər zaman qarşıya çıxan iki yoldan birinin seçmə haqqı olduğu fikri ifadə edilib.

 

 

GÜNEL

 

525-ci qəzet.- 2011.- 5 fevral.- S.17.