Turizm sektorunda məlumat bazasının yaradılması ilə bağlı layihənin təqdimatı keçirilib

 

 Dünən Azərbaycanda Regional İnkişaf Mərkəzi FonduGeoinformasiya texnologiyaları əsasında turizm məlumat bazasının yaradılmasının zəruriliyimövzusunda dəyirmi masa keçirib. Fondun sədri Çingiz İsmayılov bildirib ki, 2011-ci ilinTurizm ilielan olunması bu sahədə bir sıra irəliləyişlər tələb edir. Onun sözlərinə görə, respublikamızda inkişaf etməkdə olan qeyri-neft sektorunun ən vacib sahələrindən biri məhz turizm industriyasıdır: “Turizm sosial-iqtisadi əlaqələri tənzimləyən, ölkələr arasında qarşılıqlı münasibətlər yaradan, mədəni-siyasi kulturoloji funksiyaları realizə edən, biznes maraqlarını əhatə dairəsini genişləndirən sahələrdən biridir. Bu sahənin inkişafı regionlarda yerli əhalinin sosial-iqtisadi durumuna müsbət təsir göstərir. Eləcə yeni yerləri açılır, əhali əlavə gəlir qazanc əldə edir. Bundan əlavə bu sahənin daha da inkişaf etdirilməsi üçün ölkədə fəaliyyət göstərən turizm obyektlərinin internet resursları bir neçə dildə ətraflı məlumatlar yerləşdirilməlidir. Fondun apardığı araşdırmalar nəticəsində məlum olub ki, bu kimi məlumatlar çox səthi şəkildə verilib. Hətta Mədəniyyət Turizm Nazirliyinin saytında potensial turist üçün ətraflı məlumat tapmaq mümkün deyil. Məsələn, naviqator yoxdur, turist marşrutlarında yaşayış məntəqələri arasında məsafələr göstərilməyib. Xəritələr bölməsində verilən xəritələr oxunmur yalnız Azərbaycan dilindədir, tarixi mədəni obyektlərin şəkilləri yoxdur”.

 Ç.İsmayılovun sözlərinə görə, turizm bazasının formalaşdırılması üçün xüsusi texnologiyaların tətbiqi vacib amillərdən biridir. O, bu baxımdan geoinformasiya texnologiyalarından istifadə etməklə lazımi məlumat bazasının yaradılmasına zərurətin olduğunu diqqətə çatdırıb: “Yaradılacaq geoməlumat bazası turizm obyektlərini, mədəniyyət və tarixi abidələri, mehmanxanaları və digər turizm sahəsi ilə bağlı mühüm obyektləri təsvir etməklə yanaşı, həm də onlar haqqında mətn məlumatlarının da təsvirini təmin edəcək. Eyni zamanda potensial turist naviqatorlardan istifadə etməklə ona maraqlı olan hər bir obyekt haqqında istənilən informasiyanı əldə edə bilər”. Layihənin koordinatoru Elvin Alıyev bildirib ki, geoinformasiya texnologiyalarından sənayedə, kənd təsərrüfatında və başqa sahələrdə geniş istifadə imkanları var. Onun sözlərinə görə, bu texnologiyanın turizm sektorunda tətbiqi mümkündür: “Artıq bu texnologiyadan Azərbaycanda fəaliyyət göstərən qurumlar istifadə edir, amma bir o qədər geniş yayılmayıb. Bu layihənin də əsas məqsədi geoinformasiya texnologiyalarından istifadə etməklə Azərbaycanın turizm məlumatlarını geniş şəkildə yaymaqdır. Yeni sistemin tətbiqi Azərbaycan maraq göstərən turistlərin sayının artmasına gətirib çıxaracaq”.

 

 

BƏXTİYAR

 

525-ci qəzet.- 2011.- 17 fevral.- S.2.