Xocalı simfoniyasının təqdimat mərasimi keçirilib

 

FİLM TANINMIŞ ŞAİRƏ NURƏNGİZ GÜNÜN ƏSƏRİ ƏSASINDA HAZIRLANIB 

 

Heydər Əliyev Fondunun Rusiya nümayəndəliyinin rəhbəri Leyla Əliyevanın təşəbüssü ilə həyata keçirilənXocalıya Ədalətkampaniyası çərçivəsində şairə Nurəngiz GününXocalı simfoniyasıpoeması əsasında çəkilmiş televiziya filminin təqdimatı olub. Film Ağa Musa Nağıyev adınaMilli dəyərlərin qorunmasıQafqaz media” ictimai birliklərinin birgə səyi nəticəsində hazırlanıb.

Ədəbiyyat aləmində silsilə sonetləri, şeir, povest hekayələri, saysız-hesabsız publisistik yazıları ilə oxucuların rəğbətini qazanan Nurəngiz Günün üç dildə səsləndirilənXocalı simfoniyası”ndan ibarət bu film Azərbaycandan bəşəriyyətə ünvanlanan bir mesaj təsiri bağışlayır. Filmdə 1992-ci il fevralın 25-dən 26-na keçən gecə erməni silahlı birləşmələrinin törətdiyi cinayət, müharibələr tarixində bənzəri olmayan qanlı hadisələr əks olunub.

 Ağa Musa Nağıyev adınaMilli dəyərlərin qorunmasıqurumunun rəhbəri Dilarə Nağıyeva tədbiri açaraq, mərasimin keçirildiyi yerin təsadüfi seçilmədiyini bildirib. O, babası Ağa Musa Nağyev tərəfindən tikdirilən möhtəşəm memarlıq nümunəsinin 1918-ci ildə erməni təcavüzünə məruz qalmasından bəhs edib. D.NağıeyvaXocalı somfoniyasıfilmi haqqında fikirlərini bildirərək, Nurəngiz Günün bu əsəri ilə Xocalı dəhşətlərini, o qanlı faciəni bir daha yaddaşlara köçürdüyünü vurğulayıb.

Millət vəkili Gülər Əhmədova bu gün belə əsərlərin xüsusi əhəmiyyət kəsb etdiyini, faciələrimizi, tarixi həqiqətləri lentə almaq üçün oturub yalnız dövlətdən maliyyə yardımı gözləməyin yalnış bir fikir olduğunu diqqətə çatdırıb: “Hər birimiz ilk növbədə bir-birimizi bir şəxs olaraq sevməliyik. Bəlkə bu günə kimi başımıza gələn bu faciələrin səbəbi məhz bir-birimizi sevməməyimiz olub. Bu fikri dünya siyasi tarixi təsdiqləyir ki, son əsrlərdə faciələr o millətlərin başına gəlib ki, onun nümayəndələri şəxs olaraq bir-birini sevməyiblər”. Çıxışının sonunda Gülər Əhmədova belə bir əsəri ərsəyə gətirdiyi üçün müəllifə öz təşəkkürlərini bildirib. Millət vəkili Musa Qasımlı Xocalı faciəsi nin ermənilərin bəşəriyyətə sivilzasiyaya qarşı törətdikləri bir cinayət olduğunu deyib: “Biz Xocalı faciəsi haqqındakı həqiqətləri dünyaya yaymalıyıq”. Təqdimatda iştirak edən digər qonaqlar da əsər müəllifin mövzuya yanaşma tərzilə bağlı fikirlərini bölüşüblər. Sonda poemanın müəllifi Nurəngiz Gün çıxış edərək, bu əsəri böyük ürək ağrısı ilə yaratdığını dilə gətirib.

O, ata-baba yurdlarından qovularaq qaçqın məcburi köçkünlərə çevrilmiş bir milyondan artıq insanın taleyinə biganə qala bilmədiyini söyləyib: “İnanın ki, mən bu poemanı yazarkən həyatdan təcrid olunmuşdum. Mən o faciəni yenidən yaşayaraq, bu poemanı başa çatdırdım”.

 

 

GÜNEL

 

525-ci qəzet.- 2011.- 23 fevral.- S.7.