Pərvanə İbrahimova: “Bakı Dövlət Universitetində media ilə əlaqələrə xüsusi əhəmiyyət verilir”

Azərbaycanın nüfuzlu ali məktəblərindən biri sayılan Bakı Dövlət Universitetində (BDU) Mətbuat və İnformasiya şöbəsi 1999-cu ildən fəaliyyət göstərir. 1999-cu il dekabr ayının 14-də rektor Abel Məhərrəmov BDU-da Mətbuat və İnformasiya şöbəsinin yaradılması haqqında Təhsil Nazirliyi qarşısında vəsatət qaldırıb. Təhsil naziri Misir Mərdanov Bakı Dövlət Universitetinin strukturuna Mətbuat və İnformasiya şöbəsinin daxil edilməsinə icazə verib və şöbə 10 may 2000-ci ildən fəaliyyətə başlayıb. Şöbənin yaradılmasında əsas məqsəd Kütləvi İnformasiya Vasitələri ilə müntəzəm əlaqə yaratmaq, ölkədə gedən təhsil islahatlarının mühüm bir qolu kimi universitetdə aparılan islahatları və ölkə əhəmiyyətli hadisələri mətbuatda daha ətraflı işıqlandırmaq, universitet xəbərlərinin, beynəlxalq əlaqələr, xarici səfərlər və xarici qonaqlarla keçirilən görüşlərin ölkə ictimaiyyətinə çatdırılmasını intensivləşdirmək olub. Şöbə müntəzəm olaraq yerli və xarici mətbuata, xəbər portallarını universitet yenilikləri ilə təmin, edir, universitet yenilikləri ilə təmin edir, BDU-nun kafedra və laboratoriyaların fəaliyyəti ilə bağlı xarici, yerli mətbuatda məqalələrlə çıxış edir, universitetlə bağlı məxvi materialların monitorinqini aparır. Şöbəyə müxtəlif illərdə tanınmış jurnalistlər rəhbərlik edib. 2010-cu ilin mart ayından isə Mətbuat və İnformasiya şöbəsinə Pərvanə İbrahimova rəhbərlik edir. Şöbənin mütəxəssisləri isə Fatimə Dursunova, Nigar Balcanova, Məryəm Mehdiyeva və Lətif Mustafayevdir. P.İbrahimova 1994-1998- ci illərdə Bakı Dövlət Universiteti, Beynəlxalq hüquq və beynəlxalq münasibətlər fakültəsində beynəlxalq jurnalistika ixtisası üzrə bakalavr təhsili alıb. 1998-2000-ci illərdə Bakı Dövlət Universitetində Beynəlxalq jurnalistika ixtisası üzrə magistratura təhsili alıb. Onun “Beynəlxalq təşkilatların Dağlıq Qarabağ probleminə dair mövqeyi Azərbaycan mətbuatında (1988-2005)” mövzusunda yazdığı dissertasiya işi müdafiə ərəfəsindədir.

P.İbrahimova 1998-2000-ci illərdə müxtəlif mətbuat orqanlarında çalışıb. 2000-2010-cu illərdə BDU, Mətbuat və informasiya şöbəsində mütəxəssis vəzifəsində çalışıb. 2007-ci ildən BDU, Beynəlxalq jurnalistika kafedrasında 0,5 ştat müəllimdir. 2010-cu il – BDU, Mətbuat və informasiya şöbəsinin müdiridir. 2 kitab, 2 fənn proqramı, 10 elmi, 100-dən artıq publisistik məqalənin müəllifidir.

Bugünlərdə Bakı Dövlət Universitetinin (BDU) Mətbuat və İnformasiya şöbəsinin saytı istifadəyə verilib. Üç dildə fəaliyyət göstərən sayt son 10-12 il ərzində Bakı Dövlət Universiteti haqqında kütləvi informasiya vasitələrində işıq üzü görmüş materialların məcmusudur. Toplanan bütün materiallar aidiyyatı başlıqlar altında saytda öz əksini tapıb.

Mətbuat və İnformasiya şöbəsinin rəhbəri Pərvanə İbrahimovanın sözlərinə görə, Bakı Dövlət Universitetinin rəsmi internet saytı artıq 5 ildən artıqdır ki, fəaliyyət göstərir. Mətbuat və İnformasiya şöbəsinin saytı isə yeni istifadəyə verilib. Yüksək səviyyədə hazırlanan saytına əsas özəlliyi ondan ibarətdir ki, burada son 10-12 ildə universitet haqqıda KİV-də işıq üzü görən bütün materiallar toplanıb: “Mən artıq 10 ildir ki, bu şöbədə çalışıram. Şöbədə işə başladığım vaxtdan bugünə kimi bütün KİV-də universitet haqqında yazılan yazıları, rektorun müsahibələrinin surətini çıxarıb toplayırdım. Bu gün saytda yer alan materiallar da toplana yazılar əsasında hazırlanıb. Bəzi mətbuat orqanlarında yazırlan ki, guya Mətbuat və İnformasiya şöbəsi işlək bir qurum deyil. Məlumat üçün bildirim ki, biz hər il ötən illə müqayisədə Mətbuat və İnformasiya şöbəsinin KİV-lə əlaqəsinin hansı səviyyədə olduğunu öyrənmək üçün məxvi monitorinqlər aparırıq. Biz ötən il də mətbu materiallar əsasında monitorinq keçirdik və nəticələrdən məlum oldu ki, şöbənin KİV-lə əlaqələri çox uğurlu olub. BDU-da keçirilən elə bir tədbir, görüş olmayıb ki, bu ölkə mediasında işıqlandırılmasın. Ötən il universitetdə ümumilikdə 50-dən çox tədbir keçirilib, 60-dək xarici qonaq qəbul edilib. Bu tədbir, görüşlərin hamısı yerli və xarici xəbər agentliklərində, portallarda, qəzetlərdə, jurnallarda işıqlandırılıb. 2010-cu ildə keçirilən məxfi monitorinqə əsasən, universitetin mətbuatla əlaqəsi müxtəlif istiqamətləri əhatə edib. Birinci, universitetdə keçirilən tədbirlər, ikinci, xarici səfərlər, qəbul edilən xarici qonaqlar, rektor Abel Məhərrəmovun müəllifi olduğu məqalələr, müsahibələri, açıqlamaları, haqqında yazılanlar. Mən radio və televiziya verilişlərini, xəbərlər proqramını istisna edərək demək istəyirəm ki, 2010-cu ildə universitetdə keçirilən tədbirlərin mətbuatda işıqlandırılma sayı 792-dir. Biz ölkədə fəaliyyət göstərən bütün televiziya, radio, xəbər agentlikləri, portalları və qəzetlərlə sıx əməkdaşlıq edirik. BDU-da media ilə əlaqələrə xüsusi əhəmiyyət verilir. Ona görə də biz bu sahədə daima fəal çalışırıq, hansı istiqamətlər üzrə əlaqələr qurulmasına diqqət yetiririk. Bugünlərdə biz ölkənin bir sıra kütləvi informasiya vasitələri BDU ilə yaxından əməkdaşlıq etdiyinə görə həmin qurumların rəhbərlərini “Universitetin dostu” mükafatı ilə təltif etmişik. Bunlar Azərbaycan Televiziya və Radio Verilişləri Qapalı Səhmdar Cəmiyyətinin sədri Arif Alışanov, “AzərTAc”ın baş direktoru Aslan Aslanov, Azəri-Press Agentliyinin (APA) baş direktoru Vüsalə Mahirqızı, Mətbuat Şurasının sədri Əflatun Amaşov, “525-ci qəzet”in baş redaktoru Rəşad Məcid, “Azərbaycan” qəzetinin baş redaktoru Bəxtiyar Sadıqov, “İki sahil” qəzetinin baş redaktoru Vüqar Rəhimzadə, ANS Şirkətlər Qrupunun prezidenti Vahid Mustafayevdir. Mətbuatda yazırlar ki, şöbənin saytı üzərində son 2 ay ərzində iş aparılıb. Yazılanlar həqiqətə uyğun deyil. Çünki iki aya 12 ilin materialını toplamaq mümkün deyil. Bu sayt 10 il ərzində mənim topladığım materialların əsasında hazırlanıb. Deməli, sayt 10 illik bir fəaliyyətin məhsuludur”. P.İbrahimovanın dediyinə görə, Mətbuat və İnformasiya şöbəsi tərəfindən hazırlanan saytın ana səhifəsində 2000-ci ildən bügünəkimi universitetdə keçirilən tədbirlər və yeniliklər, fakültələrin həyatı ilə bağlı xəbərlər, alimlərimin ixtiraları, hansısa beynəlxalq konfranslara qatılmaları və sair haqqında məlumatlar yerləşdirilib: “Sol sütundakı Universitetimiz bölümü altında BDU haqqında qısa məlumat vermişik. Bu bölümdə universitetin ilk binasından bu günə qədər olan binaların, eyni zamanda universitet daxilində fəaliyyət göstərən bəzi qurumların da şəkilləri yerləşdirilib. BDU KİV-də başlıqlı bölmədə isə universitet haqqında çap olanan yazılar, 2009-cu ildə BDU-nun 90 illik yubileynidən hazırlanan materiallar, yubiley ərəfəsində rektor, prorektor, struktur rəhbərlərinin və dekanların mətbuatda dərc olanan hesabat xarakterli yazıları yer alıb. Bu yazılarda BDU-da İKT-nin təbiqi, təhsildə, elmdə əldə olunan nəaliyyətlər, universitet kitabxanasının fəaliyyəti haqqda dolğun məlumatlar öz əksini tapıb. Bu yazılarda universitet rektoru, prorektorlar, bütün struktur rəhbərlərinin yazıları yerləşdirilib ki, bu da universitetdə informasiya texnologiyalarının tətbiqi, elmi kitabxananın fəaliyyəti, tədris, elm və sair haqqında ətraflı məlumat əldə etmək istəyənlərə zəngin məlumatlar verə bilər. Xarici qonaqlar bölümündə isə 1999-cu ildən 2011-ci ilədək universitet rəhbərli, prorektor, struktur rəhbərləri, dekanlar tərəfindən qəbul edilən xarici qonaqlarla keçirilən görüşlər öz əksini tapıb. Buraya səfirlər, ali məktəb rektorlar, tanınmış elm xadimləri, universitetin fəxri doktoru olmuş şəxslərlə keçirilən görüşlər daxil edilib. Həmçinin 2009, 2010 və 2011-ci illərdə xarici qonaqlarla keçirilən bütün görüşlərin, tədbirlərin əks olunduğu şəkillər ardıcıllıqla bu bölümdə verilib. Bu doğrudan da çox zəhmət tələb edən çətin bir işdi. Ancaq şöbə əməkdaşlarının gərgin işi sayəsində biz bu çətin işin öhdəsindən layiqincə gəldik”. P.İbrahimova vurğulayıb ki, saytda əsas hadisələr başlığı altında yer alan bölümdə 1919-cu ildən bu günə qədər universitet həyatında olan ən əlamətdar hadisələr illər üzrə göstərilib. Rektorlarımız bölümündə 90 il ərzində universitetə rəhbərlik edən rektorların yaşadığı illər, rektorluq dövrləri və sair haqqında qısa məlumat verilib. Məlumat üçün qeyd edək ki, bu müddət ərzində universitetə 24 rektor rəhbərlik edib. Bölümdə 90 rektorun rəsimləri də yer alıb:

“Saytın görkəmli məzunlar və tanınmış elm xadimləri bölümündə 1957-ci ildə universitetin tarix fakültəsinin məzunu olan ümummilli lider Heydər Əliyev haqqında ətraflı məlumatlar yer alıb. Bölümdə universitetdə fəaliyyət göstərən 16 fakültə yaranma tarixi haqqıda ətraflı məlumatlar verilib. Bununla yanaşı biz bu 16 fakültənin məzunları olan və bü gün müvafiq dövlət orqanlarında çalışan məzunların, görkəmli alimlərin siyahısını təqdim etmitşik. Fəxri doktorlarımız bölümündə isə indiyədək universitetin fəxri doktoru olmuş tanınmış dövlət, elm xadimlərinin fotoları yerləşdirilib və qeyd edək ki, fəxri doktorlarımızın sayı 70 nəfərdən çoxdur. Digər bölüm isə universitetin rektoru, akademik Abel Məhərrəmov haqqındadır. Rektorun 1999-cu ildən bu günədək müəllifi olduğu məqalələr, müsahibələr, haqqında yazılmışlar və açıqlamaları xronoloji ardıcıllıq gözlənilməklə yerləşdirilib. Bölümdə A.Məhərrəmovun ABŞ, Türkiyə, Yaponiya, İtaliya, Rusiya, İran, Bolqarıstan Macarıstan və sair ölkələrdə keçirilən beynəlxalq elmi konfranslarda, simpoziumlarda etdiyi məruzələr, çıxışlar verilib. Bölümdə yer alan məlumatlarda qeyd olunb ki, A.Məhərrəmovun Azərbaycanda və xaricdə nəşr olunan 1000-ə yaxın elmi əsərin müəllifidir. Bura 48 patent, 9 monoqrafiya, 44 dərslik və dərs vəsaiti, o cümlədən Azərbaycan dilində ilk dəfə nəşr olunan “Kiçik kimya ensiklopediyası” daxildir. Onun əsas elmi nailiyyətlərinin nəşri öz əksini Tetrahedron, Sulfur Lett, Synth. Comunn, The Journal of American Science, Indian Journal of Chemistry, JOrX, XQS, İzv. RAN və sair kimi nüfuzlu jurnallarda tapıb. Rəhbərliyi altında 32 kimya elmləri doktoru və namizədi hazırlanıb”. P.İbrahimova bildirib ki, əmr və sərəncamlar bölümündə isə akademik A.Məhərrəmovun imzaladığı əmr və sərəncamları öz əksini tapıb. Bu əmr və sərəncamların mətni olduğu kimi bölümdə yer alıb. Elanlar bölümündə universitetdə təşkil olanacaq tədbir və beynəlxalq konfranslar, onların mövzusu, iştirakçılar, keçirilmə tarixi barədə məlumatlar verilir. Saytdakı əməkdaşlarımız KİV-də bölümündə isə universitet əməkdaşlarının KİV-də işıq üzü görmüş yazıları yerləşdirilib. Həmçinin bölümdə mətbuatda BDU-nun əməkdaşları haqqında çap olunan yazılar da öz əksini tapıb. Haqqımızda bölümündə şöbə və əməkdaşları haqqında məlumatlar yerləşdirilib. Şöbə müdirinin söylədiyinə görə, saytda yer alan fotoalbom bölümünə universitet tədbirlərində çəkilmiş fotolar, tədbirin adı və tarixi göstərilməklə daxil edilibdir. Sağ sütunda davamlı olaraq reportajlar, müsahibələr yerləşdiriləcək: “Artıq bir qism yazılar yerləşdirmişik. Magistratura və doktorantura şöbəsindən, universitetin nəzdində fəaliyyət göstərən və ən müasir avadanlıqlarla təchiz olunmuş poliklinikadan, Tələbə Həmkarlar Komitəsinin fəaliyyətində reportajlar yerləşdirmişik. Biz qərara almışıq müntəzəm olaraq saytda universiteti bitirən və hazırda müvafiq dövlət strukturlarında çalışan şəxslərlə müsahibələr verək. Artıq Ailə, Qadın və Uşaq Problemləri üzrə Dövlət Komitəsinin sədri Hicran Hüseynova ilə müsahibə saytın müvafiq bölümünda yer alıb. Bölümdə Aspirantura, Doktorantura şöbəsidən hazırlanan reportaj da verilib”. Şöbədə çalışan əməkdaşlar haqqda məlumat verən P.İbrahimova vurğulayıb ki, hazırda şöbədə 4 əməkdaş-mütəxəssis çalışır. Şöbənin bütün əməkdaşları onlara tapşırılan işin öhdəsindən layiqincə gəlirlər: “Mətbuat və İnformasiya şöbəsinin mütəxəssisi Fatimə Dursunova 1995-ci illərdə BDU-nun Şərqşünaslıq fakültəsində türk dili və ədəbiyyatı üzrə magistr təhsili alıb. 2007-ci ildə “Türk xalqları ədəbiyyatı” indeksi üzrə namizədlik dissertasiyasını müdafiə edib. 2008-ci ildən BDU-nun Mətbuat və İnformasiya şöbəsinin mütəxəssisidir. Şöbənin digər mütəxəssisi Lətif Mustafayev 1979-1984-cü illərdə Azərbaycan Xalq Təsərrüfatı İnstitutunda təhsil alıb. 2010-cu ildən BDU-nun Mətbuat və İnformasiya şöbəsində mütəxəssis vəzifəsində çalışır. Şöbənin digər mütəxəssisi Nigar Balcanova isə 2007-ci ildə Bakı Dövlət Universiteti Jurnalistika fakültəsinə daxil olub. 2009-2010-cu illərdə Moskva Dövlət Universitetində jurnalistika ixtisası üzrə təhsil alıb. 2010-cu ildən BDU-nun Mətbuat və İnformasiya şöbəsində mütəxəssis vəzifəsində çalışır. Məryəm Mehdiyeva isə 2007-ci ildə Bakı Dövlət Universiteti Jurnalistika fakültəsinə daxil olub. 2008-2009-cu illərdə AzTV-nin “Xəbərlər” redaksiyasında müxbir kimi çalışıb. 2010-cu ildən BDU-nun Mətbuat və İnformasiya şöbəsindədir. Şöbənin saytının hazırlanmasında sözügedən mütəxəssislərin böyük zəhməti var. Saytın belə yüksək səviyyədə hazırlanmasında onlar xüsusi rol oynayırlar. Sayt həm universitet rəhbərliyi həm də ictimaiyyət tərəfindən müsbət qarşılanıb və bəyənilib. Mən bunu ümumilikdə şöbənin uğuru hesab edirəm”.

Sevinc QARAYEVA

525-ci qəzet.- 2011.- 25 fevral.- S.4.