Rəssam Əşrəf
Heybətovun əsərlərinin təqdimatı olub
Dünən
Bakıdakı Atatürk Mərkəzində Azərbaycanın
əməkdar rəssamı Əşrəf Heybətovun əsərlərinin
təqdimat mərasimi keçirilib. APA-nın məlumatına
görə, tədbirdə rəssamın
yaradıcılığından, Almaniyada yaşamasına
baxmayaraq, Vətənə bağlılığından,
yaradıcılığında daima xalqının adət-ənənələrinə
geniş yer ayırmasından söhbət açılıb.
Bildirilib ki, Ə.Heybətov UNESCO Rəssamlar
Federasiyasının, Rusiya Federasiyası Rəssamlar
İttifaqının və bir sıra beynəlxalq rəssamlıq
qurumlarının üzvüdür. Tədbirdə millət vəkili
Sabir Rüstəmxanlı, Azərbaycan Rəssamlar
İttifaqının katibi, xalq rəssamı Ağaəli
İbrahimov, şair Çingiz Əlioğlu, millət vəkili
Gülər Əhmədova, Alman-Azərbaycan Dostluq Cəmiyyətinin
İdarə Heyətinin sədri Çingiz Abdullayev, bəstəkar
Eldar Mansurov, sənətçi Şəmistan Əlizamanlı
çıxış ediblər.
525-ci qəzet.-
2011.- 15 iyul.- S.4.