Xalça Muzeyində “Silahlı münaqişələr
zamanı mədəni
sərvətlərin qorunması”
müzakirə olunub
Lətif Kərimov adına Azərbaycan Xalçası və Xalq
Tətbiqi Sənəti Dövlət Muzeyində “Silahlı
münaqişələr zamanı mədəni sərvətlərin
qorunması” mövzusunda Beynəlxalq təlim gerçəkləşib.
Mədəniyyət və Turizm Nazirliyi, Beynəlxalq
Qızıl Xaç Komitəsinin (BQXK) Azərbaycan nümayəndəliyi
və Beynəlxalq Muzeylər Şurasının (İKOM) Azərbaycan
Milli Komitəsinin birgə təşəbbüsü ilə həyata
keçirilən tədbiri giriş sözü ilə
adıçəkilən nazirliyin şöbə müdiri
Fikrət Babayev açıb. F. Babayev
çıxışında silahlı münaqişələr
nəticəsində mədəni irsə daha çox zərər
dəydiyini diqqətə çatdırıb. Məsələnin
ciddiliyini və əhəmiyyətini nəzərə alan beynəlxalq birlik 1954-cü ildə
“Silahlı münaqişə zamanı mədəni sərvətlərin
qorunması haqqında” Haaqa Konvensiyasını qəbul olunub.
Həmin konvensiyanın icra mexanizmi kimi
işğal zamanı mədəni sərvətlərin
qorunması haqqında Protokol da qəbul olunub. Lakin problemin həlli istiqamətində yaranan
boşluqlar 1999-cu ildə Haaqa Konvensiyasına dair II Protokolun qəbul
edilməsi üçün şərait yaradıb.
Haaqa Konvensiyasının II
Protokolu Azərbaycan tərəfindən 2001-ci il
aprelin 17-də ratifikasiya edilib. Azərbaycanda bu
Konvensiyaya həsr olunmuş bir neçə seminar, konfrans və
“dəyirmi masa” keçirilib.
BXQK-nın Azərbaycan
nümayəndəliyinin başçısı Şerin
Pollini isə “Rəqabət aparan prioritetlər: Mədəni
sərvətlərin humanitar qanunlar əsasında qorunması
və BQXK-nın Azərbaycanda fəaliyyəti” mövzusunda əhatəli
çıxış edib. Onun sözlərinə
görə, fikrincə, münaqişələr zamanı mədəni
sərvətlərin qorunması üçün səmərəli
sistemin yaradılması həllini tapmalıdır.
BQXK-nın hüquqi qaydalar
üzrə regional məsləhətçisi Maria Teresa Dutli
“Silahlı münaqişə zamanı mədəni sərvətlərin
qorunması qaydaları və 1954-cü il
Haaqa Konvensiyasının II Protokolunun əhəmiyyəti”
mövzusunda geniş məlumat verib.
Qeyd olunub ki,
cari ilin dekabrın 12-13-də iştirakçı dövlətlərin
konfransı baş tutacaq. Konfransda 12 üzvdən
ibarət YUNESKO-nun Silahlı Münaqişələr
Zamanı Mədəni Sərvətlərin Qorunması Komitəsinin
6 yeni üzvünün seçkiləri keçiriləcək.
Lətif Kərimov adına
Azərbaycan Xalçası və Xalq Tətbiqi Sənəti
Dövlət Muzeyinin direktoru və İKOM Azərbaycan Milli
Komitəsinin sədri Röya Tağıyeva isə
çıxışında “Haaqa Konvensiyası və Azərbaycanda
onun həyata keçirilməsi sahəsində görülən
işlər” haqqında ətraflı məlumat verib.
HÜSNİYYƏ
525-ci qəzet.- 2011.- 15 iyun.- S.7.