Türkmən şairi Nurməhəmməd Əndəlibin
350 illiyi Bakı Dövlət Universitetində
qeyd edilib
Dünən Bakı Dövlət Universitetində böyük
türkmən şairi
Nurməhəmməd Əndəlibin
350 illiyinə həsr
olunmuş elmi konfrans keçirilib. Tədbiri
giriş sözü ilə açan rektor, akademik Abel Məhərrəmov yaradıcılığı
ilə müxtəlif
mədəniyyətlərin sintezinə, bir-birini qarşılıqlı şəkildə
zənginləşdirməsinə xidmət edən, ümumbəşər ideallar
və dəyərlər
aşılamağa çalışan
bu böyük sənətkar və mütəfəkkirin 350 illik
yubileyinin Bakı Dövlət Universitetində
qeyd edilməsinin sevindirici hal olduğunu bildirib. Bunun Türkmənistan ilə Azərbaycan arasında durmadan genişlənən və
möhkəmlənən dostluq
və qardaşlıq
əlaqələrinə dəyərli
töhfə olduğunu
deyən rektor prezident İlham Əliyevin Türkmənistana
nəzərdə tutulan
səfərinin münasibətlərimizin
inkişafında yeni bir mərhələ olacağına ümid etdiyini bildirib: “Əndəlibin türkmən
ədəbiyyatı qarşısında
xidmətləri ölçüyə
gəlməzdir. Hər şeydən
əvvəl o, yeni türkmən ədəbiyyatının
və ədəbi yazı dilinin banisidir. O əsərlərini
uşaqlıqdan bəri
sevə-sevə dinlədiyi
milli-məhəlli dastanların
təsiri altında türkmən dilində yazmaqla bir ilki
gerçəkləşdirib”. Rektor əlavə edib ki, bir müddət
əvvəl böyük
şairi və mütəfəkkiri Nurməhəmməd
Əndəlibin Azərbaycan
dilində nəşr
olunmuş “Şeirlər,
poemalar, dastanlar” kitabının təqdimatı
keçirilib. Bu kitab
TÜRKSOY tərəfindən nəşr olunmuş 7-ci kitabdır: “Kitabın nəşri qardaş Azərbaycan və Türkmənistan xalqlarının
ikitərəfli əlaqələrinin
inkişafına böyük
töhfədir. Kitabda
bu il
anadan olmasının
350 illiyi tamam olan böyük türkmən şairi, ümumtürk ədəbiyyatının
görkəmli nümayəndəsi
Nurməhəmməd Əndəlibinin
seçilmiş əsərləri
toplanıb. Kitab 31
mart- 4 aprel 2009-cu ildə
İstanbulda TÜRKSOY tərəfindən
təşkil olunan “Türk ləhcələri
arasında uyğunlaşdırma
çalışmalarının bugünki durumu və qarşılaşılan
problemlər” mövzusunda
Beynəlxalq simpoziumun
tövsiyyələrinə və yekun bəyannaməsinə
uyğun olaraq nəşr edilib. Türkmənistanda Azərbaycan şairlərinin
əsərləri tərcümə
olunur və nəşrə hazırlanır”.
A.Məhərrəmov vurğulayıb ki,
N.Əndəlib “Oğuz”
dastanını ilk dəfə
şeir formasında yazdığına görə
mötəbər pilləyə
ucalıb.
Bakı Dövlət Universiteti və Türkmənistanın
Azərbaycandakı səfirliyinin
birgə layihəsi olan konfransda çıxış edən
Türkmənistanın Azərbaycandakı
səfiri Toylı Kömekov türkmən ədəbiyyatının folklor
dövrünün formalaşmasında
Əndəlibin böyük
rolu olduğunu qeyd edib. Azərbaycan alimləri
tərəfindən türkmən
ədəbiyyatının tədqiq
edilməsini, türkmən
ədəbiyyatı incilərinin
Azərbaycan dilinə
çevrilməsini böyük
sevinclə qarşılayan
səfir gələcəkdə
iki ölkə arasında elmi-mədəni
əlaqələrin daha
genişlənəcəyinə inandığını söyləyib.
Daha sonra Azərbaycan alimləri Nigar İsmayılzadə,
Bibisara Məmmədova,
Aydan Xəndan böyük türkmən
şairi Nurməhəmməd
Əndəlibin yaradıcılığına
həsr olunmuş məruzələrlə çıxış
edib, tələbələr
Azərbaycan və türkmən dillərində
Əndəlibin “Oğuznamə”
əsərini səsləndiriblər.
Konfransın sonunda “Türkmənistan bu gün” filmi
nümayiş etdirilib.
Sevinc QARAYEVA
525-ci qəzet.-
2011.- 11 mart.- S.7.