10 yaşlı vokalçımız beynəlxalq mükafata layiq görülüb

Balaca azərbaycanlı ifaçı Belarusda keçirilmiş Beynəlxalq festivalın “Qran-pri” mükafatına layiq görülüb. Lent.az-ın “AzərTAc”a istinadən verdiyi məlumata görə, 10 yaşlı Yasin Həsənov və “Bakı ulduzları” ansamblı aprelin 26-dan 29-dək Belarusun Mozır şəhərində keçirilmiş gənc istedadların “Yer ağ qanadlar altında” VII Beynəlxalq festivalında iştirak edib. Qeyd edək ki, gənc ifaçıların qatıldığı tədbir 1998-ci ildən təşkil olunur. Bu festivalın “Qran-pri” mükafatına layiq görülmüş 10 yaşlı Yasin Həsənov bundan əvvəl Sankt-Peterburqda keçirilmiş və dünyanın 24 ölkəsindən 700 uşağın iştirak etdiyi Uşaq vokal müsabiqəsinin də “Qran-pri” mükafatına sahib olmuşdu.

525-ci qəzet.- 2011.- 3 may.- S.7.