Azərbaycan Dövlət Mədəniyyət və İncəsənət Universitetinin tələbələri Beynəlxalq müsabiqədə Qran-pri mükafatına layiq görülüb

9-12 noyabr 2011-ci il tarixdə Qazaxıstanın Almata şəhərində Beynəlxalq tələbə tamaşaları festivalı keçirilib. Festivala dəvət almış ADMİU-nun tələbələri bu beynəlxalq tədbirə məsuliyyətlə hazırlaşmağa başlamışdılar. Çünki festivalın məsuliyyətini hələ tələbələrimiz 2010-cu ildə Tbilisidə keçirilən festivalda hiss etmiş, onlara göstərilən qonaqpərvərlik və tamaşaçı alqışını indiyə qədər xatirələrdən silinməmişdi. Bir də axı universitetimizin beynəlxalq müsabiqələrdə iştirak təcrübəsi hələ 1989-1990-ci illərə gedib çıxırdı. O zaman SSRİ bədaye ali məktəbləri arasında keçirilən V. Yaxantov adına bədii qiraət müsabiqəsi tarixi yaddaşlarda yaşayırdı. Hal-hazırda universitetimizdə dərs deyən dosent Kəmalə Mehdiyeva, Xalidə Həsənova bu müsabiqənin qalibləri olmuşdular.

Qazaxıstana uçuşdan qabaq ADMİU-nun rektoru professor Timuçin Əfəndiyev tələbələrilə görüşündə bu ənənəni yada salmış, bu gün dünyanın 30 ölkəsinin qabaqcıl sənət ali məktəbləri ilə universitetimiz arasında bağlanmış müqavilələri xatırlayaraq artıq ali məktəbimizin beynəlxalq aləmdə yüksək nüfuza malik olmasını və əsas olaraq universitetimizin 90 illiyi qarşısında daha böyük məsuliyyət daşıdığımızı yada salaraq layiqli yer tutmaq üçün öz xeyir-duasını vermişdi.

Almatıda çox böyük qonaqpərvərliklə qarşılandıq. Hər addımda ölkəmizin dünya dövlətləri arasında hörmətindən, ictimai-siyasi, mədəni sahələrdə qazandığımız nailiyyətlərə görə dövlətimizə və xalqımıza olan böyük rəğbətin şahidi olduq. Festivalın açılışı təntənəli surətdə T.Jurqanov adına Qazaxıstan Milli İncəsənət Akademiyasında şəkildə keçirildi.

Festival Qazaxıstanın xalq artisti professor, teatr təhsilinin banilərindən olan rejissor Askar Tokmanovun adını daşıyırdı.

İncəsənət Akademiyasının tədris teatrında tamaşaların nümayişi üçün hər şərait yaradılmış, səhnə tamaşaçı zalı müasir avadanlıqlarla təchiz edilmiş hər bir tamaşa üçün bədii, musiqi tərtibatı təmin edilmişdi.

Noyabrın 10-u festivalın açılışından bir neçə saat əvvəl kütləvi informasiya vasitələri üçün mətbuat konfransı keçirildi. Bu mətbuat konfransında universitetin müasir həyatı keçdiyi tarixi yol, yaradıcılıq prosesi respublikamızın mədəni həyatında tutduğu yüksək mövqe haqqında məlumat verdik.

Mən qeyd etdim ki, rektor professor Timuçin Əfəndiyevin gərgin əməyi uzun müddətli rektorluq təcrübəsi sayəsində universitet beynəlxalq aləmdə nüfuzlu ali məktəbə çevrilib, müasir cəmiyyətin tələbinə uyğun olaraq yeni ixtisas ixtisaslaşmalar yaradılıb. Bunun nəticəsidir ki, hal-hazırda universitetdə incəsənətin bütün sahələrini əhatə edən 40-a yaxın ixtisas ixtisaslaşmalar üzrə peşəkar kadrlar hazırlanır. Yaradıcılıq palitrası baxımından rəngarəng olan bu ixtisasların universitetimizdə olması onların bir-birilə qarşılıqlı əlaqəsini qarşılıqlı təsirini zənginləşdirir, yaradıcılıq iqlimi yaradır. Belə bir şərait isə istedad səviyyələri müxtəlif olan gənclərə qabiliyyət bacarıqlarını inkişaf etdirmək üçün münbit şərait yaradır. Göstərəcəyimiz tamaşanı nümunə gətirərək bu səhnə əsərinin ədəbi materialının, musiqi bədii tərtibatının tələbələr tərəfindən hazırlandığını qeyd etdim. Ali məktəbimiz haqqında bu məlumatlar böyük maraq doğurdu.

Festivalın münsiflər heyətinə Əməkdar incəsənət xadimi, Qazaxıstan dövlət mükafatı laureatı, professor, teatrşünas Sıqay Amirbəy Topabayuli rəhbərlik edirdi.

Tələbələrimizin çıxışı noyabrın 10-u Astana Mədəniyyət Teatr institutunun tələbələrinin çıxışından sonra başladı. Tələbələrin çıxısı alqışla qarşılansa da, tamaşaçı reaksiyası müəyyən nöqsanları da görüb öz münasibətini göstərməkdən çəkinmirdi. Hiss olunurdu ki, həm münsiflər heyəti, həm tamaşaçılar çıxışa obyektiv tələbkarlıqla yanaşırlar. Tamaşanın gedişi zalda obyektiv əks-səda doğururdu. Mən münsiflər heyətinin tərkibində həyəcan keçirir, tələbələrimizin çıxışlarını səbirsizliklə gözləyirdim.

Beləliklə, tələbələrimizin çıxışını elan etdilər. Dönüb zala baxanda gördüm ki, hətta tamaşaçılardan ayaq üstə olanların sayı oturanların sayından xeyli artıqdır. Bu maraq məni çox sevindirdi.

Əsər müxtəlif mövzuları əhatə edən, 7 etüddən ibarət bütöv bir tamaşa idi. Müstəqil olan hər bir hissə bir-birilə bədii təsvir ifadə vasitələri, improvizə, plastika, ritm aktyorların hissetmə həssaslığı ilə bağlanırdı.

Tamaşa başlanarkən işıq səs effektlərindən istifadə olunaraq hər bir obrazın xarakterinə uyğun donmuş hərəkətdə işıqlanır tamaşaçı marağını özünə cəlb edirdi.

Hər bir hissə sürəkli alqışlarla qarşılanırdı. Tamaşanın bu uğurunda kursun bədii rəhbəri dosent Vidadi Həsənovun bu səhnə əsərində rejissor obrazı yaratmasının rolu böyük idi.

Cəmi 10 tələbənin yaratdığı tamaşanın təsir gücü universitetimizdə gedən yaradıcılıq tədris prosesinin dərəcədə yüksək olduğunu tamaşaçıların münsiflər heyətinin kəsilmək bilməyən alqışlarında təsdiqini tapırdı. 7 hissənin hər biri üçün hadisələrə uyğun musiqi tapılmışdı. Hər bir hissənin mövzusu, xarakteri ifa dinamikası, hətta janrı da müxtəlif idi. Göstərilən etüdlərdə məzmunla quruluş formanın həlli səviyyəsi, ifaçılıq məharəti yüksək idi .

Aktyorlar səsləndirilən musiqi parçasını melodiya plastik hərəkətlər vasitəsilə nümayiş etdirdilər. Bəzi səhnələrdə isə aktyor tamaşaçı ilə səssiz dialoqa girir, keçirdiyi həyəcan düşüncələrini tamaşaçılara təqdim edə bilirdi.

40 dəqiqəlik tamaşa bitdikdən sonra tamaşaçı zalı uzun müddət alqışlara qərq oldu bu alqışlar qələbəmizdən soraq verirdi. Səhəri günü kollektivimiz səhnəyə dəvət olundu münsiflər heyətinin qərarını oxuyan Sıqay Amirbəy Topabayuli tərəfindən Qran pri mükafatının qalibi elan edildik.

Bu qələbə tələbələrin, onlara dərs deyən müəllimlərin, ümumilikdə Azərbaycan Dövlət Mədəniyyət İncəsənət Universitetinin qələbəsi idi.

 

 

Rafiq Sadıqov ,

Azərbaycan Dövlət Mədəniyyət

İncəsənət Universitetinin tədris

tərbiyə işləri üzrə prorektoru,

professor

 

525-ci qəzet.- 2011.- 22 noyabr.-S.7.