“Azərbaycan”ın növbəti sayı işıq üzü görüb

“Azərbaycan” ədəbi-bədii jurnalının növbəti sayı çap olunub. Görkəmli nasir, dramaturq Mirzə İbrahimovun 100 illik yubileyinə həsr olunan jurnalın bu sayında filologiya elmləri namizədi, dosent Rüstəm Kamalın “M.İbrahimovun inancı və Təbriz ilğımı”, Mənzər Niyarlının “Sevimli ədibimizi xatırlayarkən” və “Mirzə İbrahimovun Sara xanıma məktubu” yazıları dərc olunub. Dərginin “Poeziya” bölümündə Nisə Bəyim, Vaqif Bəhmənli, İnqilab İsaq, İsmayıl İmanzadə, Mina Rəşid və başqalarının şeirləri yer alıb. Jurnalın “Nəsr” bölümündə yazıçı Aqil Abbasın “Allahı qatil edənlər” romanı və Natiq Məmmədlinin “Beş atanın ögey oğlu” və “Bütün maymaqların yükü” adlı iki hekayə verilib.

“Yeni tərcümələr”də Xalidə Ədib Adıvarın “Atəşdən köynək” romanı var. Şair-publisist “Tofiq Abdinin 70 yaşı”na Südabə Ağabalayeva “Çərçivəsiz” adlı yazı həsr edib.

“Xatirələr, duyğular” bölümündə İntiqam Mehdizadənin “Abdulla Şaiq ocağı” yazısı verilib.

“Tənqid və ədəbiyyatşünaslıq” başlıqlı bölümü tənqidçi Vaqif Yusiflinin “Şeirdən şeir kimi” və Asif Rüstəmlinin “Macar alimi Mesaroş və I türkoloji qurultayı”ı yazılarına həsr edilib.

“Söz xəzinəmizdən” bölümünə Paşa Əlioğlunun “Əlyazmalar İnstitutunun nəşrləri” yazısı verilib.

HÜSNİYYƏ

525-ci qəzet.- 2011.- 8 oktyabr.- S.21.