Xorla söyüş
xorla tərifdən yeydirmi?
Gənclərlə ədəbiyyat söhbətlərinin birində kimsə Knut Hamsunun “Aclıq romanı”nı tüfeyli vaxtında, yolda –izdə, çəkməçi yanında köməkçi işlədiyi vaxtlarda yazdığını söylədi. Gənclərin bir neçəsinin diqqətini roman yox, daha çox yazıçının rastlaşdığı vəziyyətlər maraqlandırdı. Onun faşist partiyasına üzv olması deyiləndə isə roman haqqında diskussiyaya son qoyuldu. İndi təsəvvür edin, bizdə kimsə Hamsunun yaşadığı şəraitdə nəsə yazsa onu necə qarşılayarlar. Məncə belə bir adamın nəinki yazısına baxar, hətta onu çayxanadan da qovarlar. Böyük alman yazıçısı Herman Hesse universitet şəhərciyində kitab satıcısı işləyə-işləyə əsas povestlərini yazıb. Bu da bizim üçün çox təəccüblü görünür. Onu da oxumazdıq. Əgər deyilsəydi ki, böyük ispan rəssamı Velaskes əsas rəsmlərini kral sarayında yaratmışdı. Əsərlərini bir yana qoyub ona “saray rəssamı” deyənlər az olmayacaqdı. Yazıçı kimdir? Hesse və Hamsun nümunəsi onu göstərdi ki, istedad mistik və son dərəcə fərdi keyfiyyətdir. Yalnız tək-tək adamlar iradəsi və sözünün gücü ilə yeni dünya yaratmaqla yazıçı ola bilirlər. Bunu nə vaxtsa Sartr, “Seçim” adlandırmışdı. Başqa sözlə insan hansısa anda yazıçı olmağa qərar verir. Özünü bu keyfiyyətdə seçir. Yaxud bu taleyi özü üçün təyin edir. Bu keyfiyyəti və taleyi Universitet rektoru da seçə bilər, kitabsatan da.
Son bir neçə ildə Kamal Abdullanın yaradıcılığı barədə diskussiyalar qəzet səhifələrində geniş yer alıb. Bunun əsas səbəblərindən biri onun yaradıcılığının məhsuldarlığı ilə bağlıdır. Ədəbiyyatı bilənlər onun dilini, seçdiyi üslubu, ədəbiyyata gətirdiyi yenilikləri tənqid edə bilmirlər. Tənqid edənlərə diqqət etdikdə isə Hamsun və Velaskes məsələsi yada düşür. Təəccüblənənlər var. Rektor necə yazıçı ola bilər? Yaxud yaxşı yazıçı mütləq hakimiyyəti tənqid etməlidir-deyənlər var. Maksim Qorki, Valentin Rasputin, Boris Pasternakın o dövrün hakimiyyətini tənqid edən yazılarına və çıxışlarına rast gəlmək olmur. Belə çıxır ki, onlar pis yazıçılardır? Adlarını çəkdiyim yazıçılar elə indinin özündə Soljenitsındən, Varlam Şalamovdan çox oxunurlar. Hakimiyyəti tənqid etmək mövzularında yazılan əsərlər siyasi xarakter daşıyır. Sivil ölkələrdə hətta ortabab fantastik əsərlər bu janrdan üstün sayılır. Nədən Pitirim Sorokinin, Pelevinin hansısa əsərini oxuyub öyünürük? Özümüzünküləri isə oxumadan ağız büzüb tənqidə başlayırıq. Yazmaq istəyənlərin çoxu bu yazıçıları yamsılayırlar.
Gəlin bir an düşünək, əgər tarixi abidələr və qədim mətlər olmasaydı, Azərbaycandan nə qədər tarixi gerçəklik qalardı. Səhv etmirəmsə, Aleksandr Menin fikridir: “tarixi abidələri və qədim mətnləri yalnız ədəbiyyat vasitəsilə canlandırmaq olar”. Kamal Abdullanın “Yarımçıq əlyazma”sında Dədə Qorqud kitabındakı olaylar incələnir. Dədə Qorqud mətni dəqiq mənalar kəsb edən sözlərin kamilliyindən hörülmüşdür. Lakin bununla belə bu kamillik bütün tarixlərdən əvvəl gəlir. Bu sosiumun və fərdin tarixinin özünün başlanğıcı, müəyyən cəmiyyətin mövcudluğunun şərti olan ilkin əməlidir. Kamal Abdulla yeni ədəbi metodu ilə bizi yenidən Dədə Qorquda qaytardı. Kamal Abdullanın germenevtik yanaşmasını dərk edə bilirikmi? Germenevtika insanların bir-birini qarşılıqlı anlama sənətidir. Anlama prosesi dil hadisəsidir və insanların danışıq forması və dialoqlardan süzülüb gəlir. Danışıq-monoloqların çoxluğu içərisindən ən parlaq və inandırıcı olanının qələbəsi deyil. Danışıqda işin mahiyyətini ifadə edən ümumi sahə yaranmalıdır. Germenevtikada dil – danışıq dilidir, dialoqdur. Deyəsən bizim axtarıb tapa bilmədiyimiz əsas məqamlardan biri elə budur: Ümumi sahə yarada bilmirik. O sahəni ki, mədəniyyətin, biliyin, ruhun, heç olmasa bircə yerdə təmizliyi və toxunulmazlığı qorunub saxlana bilsin. Kamal Abdullanın bu əsərində qarşıya qoyulan əsas məqsəd budur.
Yazıçını “Unutmağa kimsə
yox...”
əsərindəki istənilən epizodları
yanaşı
qoysaq assosiasiaların bir-biri ilə
çulğalaşması, qeyri xəttilik əlamətlərinin
çöxluğuna rast gəlmiş olarıq. Bu da əsərin
“şüur axını”stilində yazılmasını söyləməyə əsas verir.
Romanı
oxuduqca məlum olur ki, müəllif 20-ci əsrin ən intellektual ədəbi cərəyanına dərindən bələddir. Kamal Abdulla bu əsərində paralel dünyalar anlayışı, kainatı anlamaq cəhdlərində fiziki-fəlsəfi bilgilərə istinad edir. Qərbin elə
böyük yazıçısı olmaz
ki,
əsərlərində Yunan fəlsəfəsi və mifologiyasına istinad etməsin. Azərbaycan yazıçısı Kamal
Abdulla da bu əsərində məqsədinə çatmaq üçün Qədim Yunan mifologiyasından məharətlə
istifadə
edir.
“Şüur axını” özünü təsdiqləyir.
Mətnin oxunması üçün mətni ilk tapan adam, mətnin tapıldığı yer, qarağac, mətni oxuyacaq gənc alim...yunan mifologiyası
var.
Bütün bunlar semiosferanın obrazını yaradır. Bu roman 20-ci əsr Azərbaycan ədəbiyyatında intellektual roman sayılmalıdır. İntellektual romanların üstün cəhəti ondadır ki,
onu istənilən fəsildən oxumağa başlamaq olur. Robert Müzilin “Xassəsiz
insan” və Herman Hessenin “Muncuq oyunu” kimi.
Kamal Abdullanın
əsərlərinin personajları
yeri gəldikdə sadə xalq dilində, yeri gəldikdə spesifik ifadə və terminlərdən istifadə
edərək danışırlar. Paralel dünyaları
təsvir etmək üçün işlədilən
dil, aktual kommunikativ aktlarda danışıq və mətnlərdə özünü
büruzə verən
diskurs (dil içində dil- E.Ə.)
bütün bunlar oxucu təfəkkürünün
inkişafı üçün
vacib məsələlərdir.
Yeniliklərdir. Yazıçının əsas məqsədi
oxucunu xətti təfəkkürdən xilas
etməkdir. Sağlam dialoqlar
üçün təfəkkürün
qeyri – xətti olması çox vacibdir.
Qərb və Amerika ədəbiyyatı metanarrativdən
imtina etməyib. Baxmayaraq ki,
bu postmodernizmin tələbidir, amma mükəmməl yazıçılar
məhz gətirdikləri
yeniliklərlə postmodernist yazıçı adını
daşıyırlar. Burda söhbət
əsərlərin həcmindən
getmir. Oxuyanlar bilirlər ki,
Qərb yazıçıları
klassiklərin əsərlərinin
həcmindən böyük
əsərlər yazırlar.
Görünür burda oxucu iradəsi də nəzərə alınır.
Müqayisə baxımından Kamal
Abdullanın romanları
elə də irihəcmli deyil. Sadəcə
oxumağa başlamaq lazımdır. Adam kitabı
əlindən yerə
qoymaq istəmir...
Sonda isə xatırladıram ki, Kamal Abdullanın bir sıra ictimai-siyasi
proseslərə münasibəti,
xüsusilə də təhsilin vəziyyəti
ilə bağlı susqunluğu xoşuma gəlmir və ara-sıra tənqid də edirəm. Bunu onun
yüksək maraq doğuran yaradıcılığına
qarşı bir qərəzli, önyarğılı
intriqaya çevirməyi
isə doğru saymıram. Sadəcə oxumaq və
yazmaq lazımdır.
Söyüşmək isə oxumadan,
yazmadan da olar. Xüsusilə bu söyüş
xorla olanda...
Etibar Əliyev,
Fəlsəfə doktoru
525-ci qəzet.- 2011.- 15 oktyabr.-
S.18.