Kaman ifaçısı Fəxrəddin Dadaşovun 60 yaşı qeyd olunub

Tanınmış kamançaçı, Milli Konservatoriyanın professoru, xalq artisti Fəxrəddin Dadaşovun 60 illik yubileyi münasibətilə 3 nömrəli uşaq incəsənət məktəbində tədbir gerçəkləşib. Yubiley mərasimində çıxış edənlər yubilyarın mənalı ömür yolundan, zəngin yaradıcılığından geniş söz açıblar, onun milli musiqimizin inkişafı üçün gördüyü işləri yüksək qiymətləndiriblər: “Görkəmli kamança ustası Fəxrəddin Dadaşov Avstriya, Fransa, İsveçrə, Almaniya, Polşa, Rusiya, Ukrayna, Mərakeş, Belçika, Hollandiya kimi yerlərdə solo və müşayiət çıxışları ölkəmizin xarici ölkələrdə tanınması və təbliği istiqamətində əhəmiyyətli rol oynayıb. O, hər bir ifasında milli çalarları, koloriti saxlamağa çalışıb. Fəxrəddin Dadaşovun pedaqoq kimi Azərbaycan musiqi mədəniyyətindəki xidmətləri də təqdirəlayiqdir və o, 2010-cu ildə Milli Musiqi Konservatoriyasının professoru adına layiq görülüb”. Rəsmi hissədən sonra məktəbin şagirdləri konsert proqramı ilə çıxış ediblər.

HÜSNİYYƏ

525-ci qəzet.- 2011.- 11 yanvar.- S.7.