“Şəhidlər ölməz! Vətən
bölünməz!”
Dünən Azərbaycan Dövlət
Gənc Tamaşaçılar Teatrının kiçik
zalında “Şəhidlər ölməz! Vətən
bölünməz!” adlı tədbir gerçəkləşib.
Teatrın, Dünya Azərbaycanlıları Konqresinin və
“Bura Vətəndir” məclisinin birgə layihəsi əsasında
baş tutan tədbir Azərbaycanın azadlığı,
müstəqilliyi və ərazi bütövlüyü
uğrunda döyüşlərdə şəhid olan Vətən
övladlarının əziz xatirəsinə həsr edilib.
Dövlət Himninin səsləndirilməsindən sonra 20
yanvar hadisələrini əks etdirən qısametrajlı film
nümayiş olunub. Daha sonra teatrın direktoru, əməkdar
artisti Mübariz Həmidov, teatrın baş rejissoru, xalq
artisti Cənnət Səlimova və Dünya Azərbaycanlıları
Konqresinin fəxri Prezidenti, İngiltərənin Edinburq
Universitetinin professoru, filosof, şair Qulam Rza Səbri Təbrizi,
Dünya Azərbaycalıları Konqresinin Həmsədri,
professor Paşa Qəlbinur çıxış edərək
xalqımızın tarixinə qanla yazılmış 20 yanvar
günündə canlarından keçmiş Vətən
övladlarının xalqımızın qəhrəmanlıq
salnaməsinə parlaq səhifə yazdıqlarını diqqətə
çatdırıblar. Çıxış edənlər
şəhidlərin əziz xatirəsinə ehtiram və
onların ailələrinə qayğının ölkə
Prezidenti İlham Əliyevin daim diqqət mərkəzində
olduğunu vurğulayıblar. Tədbirdə Şəhidləri
bir dəqiqəlik sükutla yad edilib. Fəlsəfə elmləri
doktoru, Azərbaycan Universitetinin dosenti, “Məlhəm”
Qadınlar İctimai birliyinin sədri, şair-publisist Xədicə
İskəndərli, filologiya elmi üzrə fəlsəfə
doktoru, şair, şəhid xanımı Arzu Nehrəmli,
Dünya Azərbaycanlıları Yazarlar Qurumunun rəhbəri
Sayman Aruz, Qarabağ Müharibəsi
iştirakçısı, milis mayoru, şair Aidə
Şirinova, Şəhid Anaları Komitəsinin sədri, Milli
Qəhrəman Gültəkin Əsgərovanın anası,
professor Rəfiqə Əsgərova və digərləri
çıxış edərək şəhidlərə həsr
olunmuş şeirlər və bayatılar səsləndiriblər.
Sözləri və musiqisi Əlirza Amanbəyliyə məxsus
“Yenilməz” mahnısı müəllif tərəfindən,
“Qalmaz Dünya” mahnısı teatrın aktyoru İlham Əsədovun
ifasında səsləndilib. “Bilmirəm, anam başıma
xına qoydu” ədəbi parçası teatrın
aktyorları Ədalət Əbdülsəmədov və
Nurlan Rzayev tərəfindən ifa olunub. Tədbir
iştirakçılarına şair Şövkət
İmaminin Azərbaycanın Milli Qəhrəmanı Gültəkin
Əsgərovaya həsr olunmuş “Zirvələr fatehi...
Gültəkin” poemasından bir parça teatrın
aktyorları Sona Babayeva, Güşvər Şərifova, Anar
Seyfullayevin ifasında nümayiş etdirilib. Rəsmi hissənin
sonunda aparıcı ölkə prezidentinin sözlərini dilə
gətirərək ordusunda minlərlə Mübariz və Fərid
kimi qəhrəmanları olan xalqın qələbəsinin
çox da uzaqda olmadığına əminliyini diqqətə
çatdırıb. Rəsmi hissədən sonra teatrın
böyük səhnəsində yazıçı-dramaturq
Tamara Vəliyevanın “Mənim ağ göyərçinim”
tamaşası göstərilib. İlk məhəbbət
haqqında iki hissəli lirik dramın yeni səhnə
redaksiyasının müəllifi və quruluşçu
rejissoru teatrın baş rejissoru, Xalq Artisti Cənnət Səlimova,
tərtibatçı rəssamı Gürcüstan
Respublikasının tanınmış rəssamı,
Tumanaşvili adına Teatrın baş rəssamı Şota
Qlurdjidze, rejissor asissenti əməkdar artist Nofəl Vəliyevdir.
Tamaşanın plastik həlli və rəqslərin
quruluşu Vüsal Mehrəliyevə, musiqi tərtibatı isə
Vladimir Neverova məxsusdur. Tamaşada istifadə edilən
şeirlərin müəllifi Mirzə Ağa Mirzəyevdir. 20
yanvar faciəsi qurbanlarının əziz xatirəsinə həsr
olunmuş tamaşada rolları əməkdar artist Rafiq
Hüseynov, Rahib Əliyev (məktəb müdiri), aktyorlar Təhminə
Məmmədova (Turan (yaşlı)), Asya Atakişiyeva (Turan),
Mirzə Ağa Mirzəyev (Aqil), Emin Sevdiməliyev (Bəhruz),
Nigar Məmmədova (Səidə), Nəsibə Eldarova (Zəhra),
Kərəm Hadızadə (Qürbət), Anar Səfiyev
(Alik), İlham Əsədov (aparıcı-şoumen), Məsumə
Babayeva (müəllimə), Sona Babayeva (valideyn), Elxan Qurban
(Natiq), Müşfiq Əliyev, Anar Seyfullayev, Xalidə Şərifova,
Ədalət Əbdülsəmədov, Rəzzaq Məmmədov,
Yusif Dadaşov, Aydın Dəmirov, Nurlan Rzayev, Müşfiq Əliyev,
Elşən Şıxəliyev, Aybəniz Əhmədova, Anar
Seyfulllayev, Elgün Yəhyayev, Vahid Orucoğlu (şagirdlər),
Nəsibə Eldarova, Dilarə Fərəccullayeva, Kərəm
Hadızadə, Nigar Məmmədova və başqaları
bölüşürlər. Tədbiri teatrın redaktoru və
“Bura Vətəndir” məclisinin sədri Səriyyə
İsmayılova idarə edib.
HÜSNİYYƏ
525-ci qəzet.- 2011.- 19 yanvar.- S.7.