20 yanvar şəhidləri anılıb

M.S.Ordubadinin xatirə muzeyində 20 Yanvar faciəsinin 21-ci ildönümünə həsr olunmuş tədbir keçirib. Tədbirdə şəhidlərin xatirəsi bir dəqiqəlik sükutla yad edilib. Tarixə qanlı yanvar kimi daxil olan o müdhiş gecə haqqında geniş məlumat verilib. Yeniyetmə və gəncləri vətənpərvərlik ruhunda tərbiyə edilməsi məqsədilə təşkil olunan tədbirdə Respublika Gənc Turistlər və Diyarşünaslıq Mərkəzinin şagirdləri, Binəqədi rayonu 144 saylı məktəbdə fəaliyyət göstərən “Ədəbi-diyarşünaslıq”, “Gənc-ekoloq” dərnəyinin üzvləri ədəbi-bədii kompozisiya ilə çıxış ediblər. Şəhidlərə həsr olunan tədbirlərdən biri də Ş.Ələkbərova adına mədəniyyət evində gerçəkləşib. Adıçəkilən mədəniyyət evinin təşkilatçılığı ilə 20 Yanvar şəhidlərinin xatirəsinə həsr olunmuş “Azadlığa gedən yolda çıraq oldu şəhidlər” adlı ədəbi-bədii kompozisiya nümayiş olunub. Tədbirdə Xətai rayonundakı 58 nömrəli otra məktəbin şagirdləri şəhidlərin xatirəsinə həsr olunmuş şeirlər, mahnılar səsləndiriblər.

HÜSNİYYƏ

525-ci qəzet.- 2011.- 20 yanvar.- S.7.