Türkiyədə azərbaycanlı musiqiçinin yubiley konserti olub

Türkiyənin Bursa şəhərində azərbaycanlı bəstəkar və pianoçu İlyas Mirzəyevin yaradıcılığının 30 illiyi qeyd olunub. Əməkdar incəsənət xadimi Fəxrəddin Kərimovun dirijorluğu ilə Bursa Dövlət Simfonik Orkestrinin İlyas Mirzəyevin yubileyinə həsr olunan konsertində məşhur “İpək Yolu” musiqi kompozisiyasının müəllifləri və “Üç qitə, bir dəniz” layihəsinin iştirakçıları Ercan İrmak, Sinem İrmak, Mehri Əsədullayeva, Mahmud Turan, Göksel Baktadir solist kimi iştirak ediblər. Azərbaycanlı yubilyar pianoçunun ifası da salondakı dinləyicilərin alqışları ilə qarşılanıb.

GÜNEL

525-ci qəzet.- 2012.- 18 aprel.- S.7.