Latviyalı müğənni: «Azərbaycan mənə unudulmaz təəssürat bağışladı»  

 

«Avroviziya-2012» mahnı müsabiqəsində Latviyanın təmsilçisi Linda Amantova: «Mən azərbaycanlıların qonaqpərvərliyinə heyranam»

 

 - Linda xanım, Azərbaycana xoş gəlmisiniz! İlk öncə Sizdən səhnə ləqəbinizin tarixçəsi barədə soruşmaq istərdik.

- Qeyd edim ki, əsl adım olan Linda adıyla mənə yalnız anam yaxın adamlar müraciət edir. Başqaları üçün isə mən Anmariyəm. Bu, mənim ikinci adımdır. Bildiyiniz kimi, kilsədə xaç suyuna salma  zamanı xristianlara ikinci ad verilir. Beləliklə, mənə Anna Mariya adı verilmişdi ki, vaxt keçdikcə daha müasir qısa Anmari adına sahib oldum.

- Ölkəmiz Sizə necə bir təəssürat bağışladı?

- İlk növbədə mən ölkənizin sakinlərinin qonaqpərvərliyinə, onların saflığına heyran oldum. Onlarla daha asan təmas yaratmaq mümkündür. Bizim ölkədə isə insanlar həmişə gözəçarpacaq dərəcədə məşğul görünürlər. Burada isə insanlar, qədər məşğul olsalar belə, daha ünsiyyətçil gülərüzdürlər, onlarla dil tapmaq asandır. Mən, rast gəldiyim hər insanın üzündə təbəssüm müşahidə etmişəm. Mən onlara baxıb, daha gülərüz olmağa çalışıram. Peşəkarlığa qaldıqda isə, deyə bilərəm ki, mən sizin İctimai televiziyada oldum gördüm ki, orada da, Latviyada olduğu kimi, peşəkarlar çalışırlar. Onlarla işləmək mənə xoşdur.

- Siz Azərbaycanın regionlarını ziyarət etmisinizmi, yoxsa ölkəmizdə olduğunuz müddətdə yalnız Bakı ilə kifayətlənmisiniz?

- «Avroviziya – 2012» müsabiqəsi ilə bağlı ölkənizə gələndə biz, Qobustanı Qəbələni ziyarət etdik. Sentyabrda Masallı rayonunda keçirilən folklor festivalında iştirak etdik. Ölkənizin regionları, eləcə bütövlüklə Azərbaycan bizə çox xoş təəssürat bağışladı. Masallı rayonunda mən ölkəmizdə az rast gəldiyim «Jiquli» markalı avtomobillərini daha çox gördüm. Bu, bizim uşaqlığımızın avtomobilidir. Maraqlıdır ki, Masallıların yaşam tərzi bizim ölkəmizin əyalət sakinlərin yaşayışına bənzəyir: sakitlik, mehribançılıq, xoş münasibət daha çox fərdiyyətçilik... Bir fakt məni heyran etdi. Bizim ölkədə heyvandarlıq çox inkişaf edib, ifadəmə görə üzr istəyirəm, bizim mal-qara sizinkilər qədər «ağıllı» deyil könüllü olaraq hər vaxt özləri otlağa getmirlər. Masallıda mən, kimsənin köməyi olmadan səhər gedib, axşam isə sahiblərinin yanına qayıdan mal-qara gördüm. Bu, məni çox təəccübləndirdi.

- Azərbaycan mətbəxi barədə fikirlərinizi öyrənmək maraqlı olardı.

- Mən sizin şirniyyatı böyük məmnuniyyətlə yeyirəm, eyni zamanda sizin çox ləzzətli mili xörəkləriniz var, xüsusən , müxtəlif variantlarda bişirilən xoş qoxulu plov.

- Bildiyimiz kimi, Siz «Avroviziya – 2012» mahnı müsabiqəsinin iştirakçısı olmuşsunuz müəyyən uğur qazanmısınız. Mahnılarınız ifa tərziniz dinləyicilərimizin ürəyinə yatıb. Deyə bilərsinizmi, Azərbaycan xalq mahnısı olan «Sarı gəlin»i oxumaq arzunuz nədən irəli gəlib? O, Sizi məzmunu ilə cəlb edib yoxsa bir başqa səbəb var?

- Bir musiqiçi kimi, mən həmişə ilk növbədə mahnını dinləyib qavrayıram. Azərbaycanla maraqlananda, mən, “Sarı gəlinmahnısına rast gəldim bir neçə dəfə qulaq asdıqdan sonra onu ifa etmək arzusunda olduğumu hiss etdim. Şəxsən mənim üçün bu mahnı yenidən aranjiman olunub. Xüsusi vurğulamalıyam ki, mən mahnının sözlərini əzbərləyəndə Azərbaycanın Latviyadakı səfirliyinin əməkdaşları mənə kifayət qədər köməklik göstərdilər. Bu kömək ilk növbədə tələffüzlə bağlı idi, daha sonra, mənim üçün mətni tərcümə etdilər ki, oxuduğumu anlaya bilim. Onda mən başa düşdüm ki, bütün xalqları birləşdirən bir çox oxşar cəhətlər var. Məsələn, baş tutmayan sevgi ya sevgi olmadan nikah. Bu mahnıda hər şey ahəng yaradırhəm musigi, həm sözlər həm məzmun. Bu mahnını ifa etmək mənə çox zövq verir bəzən mən özümü «Sarı gəlin» mahnısının həsr olunduğu qızın yerində hiss edirəm. Kimsə mənə demişdi ki, sarı gəlinsarışın qız deməkdir. Amma bilmirəm, bu, zarafatdır yoxsa onlar tərəfindən mənim üçün xoş sözdüraxı mən indi sarışınam.

- Sirr deyilsə, deyə bilərsinizmi, Sizin ifanızda olan bu mahnının klipinin çəkilişinin təşəbbüskarı kimdir?

- Doğrusu, bu ideyanı biz çoxdan həyata keçirmək istəyirdik. Yəqin, qismət belə imiş. Deməli, klip məhz elə indi çəkilməli idi. Hazırda klipin çəkilişinə Azərbaycan İctimai Televiziya kanalı yardım göstərir. Kanalın əməkdaşları bizə öz məsləhətləri ilə kömək edirlər. Nəticədə bu mənim üçün daha da maraqlı olur ümidvaram ki, qarşılıqlı əməkdaşlıq xoş ünsiyyət şəraitində həyata keçirilən bu müştərək layihə dinləyicilər tamaşaçılara xoş gələcək.

- «Avroviziya – 2012»-dən sonra karyeranız necə qurulur? Sizin diqqətinizə layiq təkliflər almısınızmı?

- Bəli, təkliflər indi var, lakin Bakı «Avroviziya - 2012» müsabiqəsindən sonra mən anladım ki, məni daha çox Azərbaycan maraqlandırır, həmçinin onun gözəl dili, maraqlı insanları məni cəlb edir. Mən Azərbaycan dilini öyrənməyə çalışıram, tələffüzə fikir verirəm. Azərbaycan dilində artıq 6 mahnı yazdırmışam. Bundan başqa, mən Avropa ölkələrindən təkliflər almışam, lakin mən bir işlə məşğul olanda, bütün enerjimi ona sərf edirəm. Hal-hazırda mənim üçün ən əsası Azərbaycan layihəsi noyabr ayının 27-si Heydər Əliyev sarayında keçiriləcək solo-konsertdir. Mən hamını bu konsertə dəvət edirəm ümid edirəm ki, maraqlı musiqi gecəsi alınacaq. İndi konsertə hazırlıq aparılır burada Latviyanın ən yaxşı xoreoqrafı rejissoru iştirak edir.

- Zəhmət olmazsa, Azərbaycanda olduğunuz müddətdə baş vermiş unudulmaz anlardan danışardınız.

- Bu ilin sentyabrında Azərbaycana səfərim zamanı bir çox rayonlarda folklor qruplarının çıxışlarını müşahidə etdim. Sizin milli rəqslər, azərbaycanlı rəqqasların rəqs zamanı cəldliliyi məni heyrətə gətirdi. Bizim üçün bu, qeyri-adi bir şeydir. Ağlıma bir fikir gəldi ki, kimsə fiziki cəhətdən daim yaxşı formada qalmaq istərsə, Azərbaycan milli rəqsləri fitnes məşğuliyyətini əvəz edə bilər: pulsuz, sərfəli və əlbəttə faydalı. Bu, doğrudan da çox maraqlıdır. Belə qeyri-adi görüşlər və təsadüfi hadisələr az deyil. Daha bir maraqlı məqam o oldu ki, Masallı rayonunun rəhbərliyi mənə sizin mili musiqi alətinizi – sazı hədiyyə etdi. Bir hadisə də diqqətimi çəkdi – Masallıda biz tavanINa qədər alma ilə dolu «Jiquli» markalı avtomobil gördük. Bu mənə unudulmaz təəssürat bağışladı. Maşının içində o qədər alma var idi ki, sürücünü görmək mümkün deyildi. Belə mənzərəni mən heç yerdə görməmişəm.

- Oxucularımıza nə demək istərdiniz? Azərbaycan sakinləri barədə nə fikirdəsiniz? Özünüzə qarşı onlar tərəfindən xüsusi münasibət hiss etdinizmi?

- Əlbəttə! Hətta deyə bilərəm ki, burada artıq tanışlarım, dostlarım var. Onlara qarşı məndə səmimi hörmət yaranıb, onlar mənim üçün artıq əziz və qayğıkeş insanlardır. Halbuki indiyə qədər dəqiq anlaya bilmirəm, məni burada nə cəlb edir. Bu sirri açmaq üçün, gərək Azərbaycana bir neçə dəfə səfər edim...

- Azərbaycan dinləyicilərinə nə arzulayardınız?

- İlk növbədə sağlamlıq, çünki o, hər işin əsasını təşkil edir. Daha sonra onlara optimist olmağı və həmişə yeni idealarla yaşayaraq onları həyata keçməsinə can atmağı arzulayıram. Sizləri öz konsertlərimdə görməyə çox şad olaram!

 

 

İskəndər QULİYEV

 

525-ci qəzet.- 2012.- 7 noyabr.- S.7.