Mart ayının “Ulduz”u

“Ulduz” ədəbi-bədii jurnalının növbəti – mart sayı oxuculara təqdim edilib.

Jurnalın poeziya guşəsində Rəfail Tağızadənin, Avdı Qoşqarın, Ramilə Qardaşxanqızının, Nəzmiyyə Hicranın, Mehman Məmmədovun, Fəridə Hacıyevanın, Qabil Ədalətin, Fəxri Müslümün, Faiq Hüseynbəylinin, İsa Sevərin və Sara Selcanın şeirləri öz əksini tapıb.

Gənc yazar Pərvinin “Variasiya” layihəsinə təqdim etdiyi “Çarəsiz yalan”, Alik Nağıoğlunun “Cöngə”, “Qoxu”, hekayələri, Zəka Vilayətoğlunun “Qürbət adamları”, Alpay Azərin “Slovak qızı” povestləri də jurnalın bu sayındadır. “Ulduz”un yeni sayında Seyran Məkan Azərlinin “Yeni Şekspir erası”, Fidan Nizaməddinqızının “Ulduzlu gənclər”, Hafiz Hacxəlilin “Bu dünyanın mehmanı”, Qorxmaz Abdullanın “Nitq mədəniyyəti. Onu qoruya bilirikmi” yazılarını da oxumaq olar.

GÜNEL

525-ci qəzet.- 2013.- 9 aprel.- S.7.