Mahmud və Məryəm

Elçinə

Qarabağ üstündə tənha bir məbəd,

Zikrin səmasında qanad çalır qut.

Əsir torpaqlarda daşanda şiddət,

Həsrətin adına tük salır bulud.

Yollar tor bağlayıb, cığırlar cadar,

Daşlaşan dualar uyğusunda dəm.

Ömür qayğıları çəkəndə avar,

Göz-gözə dayanır Mahmudla Məryəm.

Susqun gədiklərdə birəm-birəm qar,

Könül dəhlizində susmaz əndişə.

Kimsəsiz dağlarda qalan mahnılar,

Lənət oxuyurlar Qara Keşişə.

ELXAN ZAL

525-ci qəzet.- 2013.- 27 aprel.- S.16.