İlin 12-ci "Ulduz"u

"Ulduz" jurnalının 2013-cü il üçün sonuncu - 12-ci sayı işıq üzü görüb. Dərgi Xəyal Rzanın şeirləri ilə açılır. Jurnalda həmçinin Elbəyi Cəlaloğlu, Zərəngiz Dəmirçi Qayalı, Elman Tovuz, Qələndər Xaçınçaylı, Hacı Ərşad, Aşıq Əli Quliyev, Rəşad Bəydəmirli, Mayisə Əsədullaqızı, eləcə də Yazıçılar Birliyinin Qazax filialının təqdimatında Gülnar Səma, Elnur Süleymanlı, Elnarə Nur, Rüfət Axundlu və Nəbi Hüseynlinin şeirləri yer alıb.

"Ulduz" jurnalının və publika.az saytının birgə layihəsi "Variasiya"da yazıçı Günel Anarqızının "Mələklərin məskəni" hekayəsi və ona yazılan sonluqlar da jurnalın sonuncu sayında işıq üzü görüb.

Professor məhmət Ömər Kazancının Zakir Sadatlının xatirəsinə yazdığı "Kərkük bir aşığını da itirdi" yazısı da oxuculara təqdim edilib.

Vaqif Yusiflinin "Bu Əhməd Cəmildir" yazısı ədibin 100 illik yubileyi münasibətilə qələmə alınıb.

Alpay Azərin "Fraqmentlər" silsiləsindən mizantropik məqamları" da "Ulduz"un bu sayında dərc edilib.

Jurnalda həmçinin Litva Azərbaycanlıları Cəmiyyətinin sədri Mahir Həmzəyevin tərcüməsində Litva yazıçılarının novellaları təqdim olunub.

Yasif Nəsirlinin 75 illik yubileyi münasibətilə Əziz Musanın jurnalda "Zirvədən dünyaya boylanan insan" məqaləsi dərc edilib.

"Ədəbi portretlər" silsiləsindən Nərgiz Cabbarlının "Sükutun "monoloq"u" yazısı jurnalda işıq üzü görüb.

Vaqif Yusiflinin 65 illik yubileyi münasibətilə Yaşar Qasımbəylinin "Tənha tənqidçinin əfsanəsi" yazısı oxucuların ixtiyarına verilib.

Nizami Tağısoyun "Çağdaş ədəbi-estetik fikrimizin professor Məmməd Qocayev "səhifələri" yazısı da bu nömrədə yer alıb.

"Ədəbiyyat üzrə Nobel mükafatı laureatları" layihəsi İlham Abbasovun təqdimatında oxuculara təqdim olunub.

S.ABDULLAYEVA

525-ci qəzet.- 2013.- 27 dekabr.- S.7.