2013-ün son "Azərbaycan"ı işıq üzü görüb

"Azərbaycan" jurnalının bu il üçün son sayı çapdan çıxıb. Jurnalın ənənəvi "Poeziya" bölməsində Tərlan Əbilov, İltifat Saleh, Aydın Murovdağlı, Zeynalabdın Novruzoğlu, Əli Nəcəfxanlı, Oqtay Abdulla, Həsən Valeh, Murad Qoçuoğlu, Sahib Camal, Aləmzər Əlizadə və Mikayıl Yanarın şeirləri təqdim edilib.

Əli Əmirlinin "Ünvansız qatar" ikihissəli dramı jurnalın "Dramaturgiya" rubrikasında verilib.

Nəsrsevrələr dərginin bu sayında Elçin Hüseynbəylinin, Kamil Əfsəroğlu, Fərəc Fərəcov və Mahmud Əhmədin hekayələri ilə tanış ola bilərlər.

Jurnalın "Yeni tərcümələr" bölümündə Ruslan Martaqovun "Valideynlər" və Aqata Kristinin "Şirazda ev" hekayələlərini oxumaq imkanı əldə edəcəklər.

Qəşəm Nəcəfzadənin "Anamın barmaqları, Göyçay bazarı, yaddan çıxan Əli Kərim" yazısı jurnalın "Xatirələr, duyğular" bölməsində oxuculara təqdim olunub.

Jurnalın "Ədəbi düşüncələr" rubrikasında Məti Osmanoğlunun "Divar lampasının işığı" yazısı yer alıb.

Zaman Əsgərlinin "Hophopnamə"nin yeni nəşri" məqaləsi dərginin "Kitablar, rəylər" rubrikasında oxucuların ixtiyarına verilib.

"Redaksiyaya məktub" bölməsində Fərid Muradov "Ədəbiyyatımızın unudulmuş müəşşər janrı" haqqında yazı öz əksini tapıb.

Sonda ənənəvi olaraq ötən ildə dərc olunmuş materialların siyahısı da qeyd edilib.

S.ABDULLAYEVA

525-ci qəzet.- 2013.- 27 dekabr.- S.7.