Tofiq Məlikli və Afaq Şıxlı Moskvada
mükafatlandırılıb
Moskva ədəbi mühitində
Yeni il
qabağı iki xoş hadisə bir günə təsadüf etdi. AYB Moskva şöbəsinin sədri alim, şair Tofiq Məlikli ilə Rusiya və Avrasiya Yazarlar birliklərinin üzvü
şairə Afaq Şıxlı "Dədə
Qorqud ocağı"
fondu tərəfindən
mükafatlandırıldı. Mükafatları tanınmış ictimai-siyasi xadim Eldar İsmayılov təqdim etdi.
Mükafatlandırma mərasimi Moskvada, Ümumrusiya Dövlət Xarici Ədəbiyyat kitabxanasının nəzdində
təşkil olunmuş
Azərbaycan Mədəni
və Ədəbi Mərkəzində baş
tutdu. Azərbaycan klassikləri və
müasirləri ilə
yanaşı xarici ölkə yazıçılarının
kitabları əhatəsində
ölkəmizin milli kaloritləri ilə bəzədilmiş geniş
oxucu zalında keçilirilən mərasimə
məkanın abu-havası
çökmüşdü.
Tədbiri Afaq Şıxlı haqqında xöş sözlərlə açan
Azərbaycan Yazıçılar
Birliyi Moskva şöbəsinin rəhbəri,
"Ocaq" Ədəbi
Cəmiyyətinin sədri
professor Tofiq Məlikli
mükafatın layiqli
sahibini tapdığını
söylədi.
"Əslində bütün
analar mehribandır. Amma Azərbaycan
anaları öz övladlarından başqa
özgələrə də
bu mehribanlığı,
qayğıkeşliyi ilə
seçiləndir. Afaq Şıxlı
yaradıcılığı ilə bir gənclərimizə
yol göstərən
örnək ana rolunu oynayır. Ona görə Afaq Şıxlıya elə "Mehriban ana" medalı yaraşır"-dedi.
Mükafatı təqdm etməkdən
ötrü Bakıdan
gələn "Dədə
Qorqud ocağı"
fondunun sədri, "Azərbaycan dünyası"
jurnalının baş
redakoru Eldar İsmayılov Afaq Şıxlının bu ada layiq görülməsinin
cəmiyyətin idarə
heyətinin yekdil qərarı olduğunu bildirdi: "Ölkəmizdən kənarda
Azərbaycanı layiqincə
təmsil edib, millətlərarası dostluğu
möhkəmləndirib ona
vəsilə olan insanların xidmətləri
heç zaman diqqətdən kənarda qalmır və öz mükafatını
tapır. Bu gün
belə yüksək mükafatlardan birini Afaq xanıma təqdim etmək üçün buradayam".
O, böyük məmnunluq
hissi ilə "Mehriban ana" ordenini Afaq xanıma
təqdim etdi.
Təşəkkür nitqi ilə şıxış edən
Afaq Şıxlı belə bir gündə
onun üçün bu mükafatın sürpriz olduğunu söylədi. Bu təntənəli
mərasimin, rəhmətlik
atası, Azərbaycanın
baş geoloqu Arif Şıxlınskinin doğum gününə təsadüf etdiyini bildirən şairə onu bu mükafata
layiq görən
"Dədə Qorqud
ocağı" fondunun
əməkdaşlarına, qurumun rəhbəri Eldar İsmayılova minnətdarlıq etdi.
"Mərasimdə daha bir sürpriz var" - deyə mükafatın təsisçisi
Eldar İsmayılov Bakıdan Moskvaya başqa bir hədiyyə ilə gəldiyini bildirdi: "Tofiq müəllim, "Dədə Qorqud ocağı"fondundakı o "ocaq" kəlməsi sizin "Ocağ"ınızdandır.
Oradan qor götürmüş bir ocaqdır. Moskvaya hər qədəm qoyanda ilk yada düşən azərbaycanlıları
başına toplayan bu "Ocaq"dır.
Mənim
üçün və
düşünürəm ki, hamı üçün
bu belədir. Əməyi, zəhməti,
biliyi bacarığı
ilə Azərbaycana töhfə verən insanlara təqdim edilən bir ali mükafatımız
da var - "Vətən oğlu" medalı. Onu da qeyd edim ki, bu
mükafat bir çox tanınmış
ziyalılarımıza, ictimai
xadimlərimizə verilib.
Vətəninə xidmətdən yorulmayan
Vətən oğlu Tofiq Məlikliyə "Vətən oğlu" medalını təqdim etməkdən şərəf
duyuram".
Ədəbi söhbətlərlə davam
edən mərasimdə
Rusiyada fəaliyyət
göstərən diaspor
cəmiyyətlərinin nümayəndələri,
eləcə də
KİV əməkdaşları iştrak edirdilər.
Tünzalə
VƏLİQIZI
Yenisəs.ru
Moskva
525-ci qəzet.-
2013.- 28 dekabr.- S.7.