Əhməd Cəmilin 100 illiyi Mingəçevirdə qeyd edilib

Mingəçevir Şəhər Mərkəzi Kitabxanasında Azərbaycan ədəbiyyatının görkəmli nümayəndələrindən biri, dövlət mükafatı laureatı, şair, tərcüməçi, Əhməd Cəmilin anadan olmasının 100 illik yubileyi ilə əlaqədar şeir gecəsi keçirilib. Mədəniyyət və təhsil işçilərinin, fəal oxucuların, gənclərin, şagirdlərin iştirak etdiyi tədbirdə çıxış edənlər şairin həyat və yaradıcılığı haqqında geniş məlumat veriblər. Məktəblilər şairin "Dünyanın gözəlliyi", "Can nənə bir nağıl de", "Vətən oğluna" adlı şeirlərini söyləyiblər. Tədbirdən sonra "Əhməd Cəmil-100" mövzusunda təşkil olunan sərgiyə baxış keçirilib. Sərgidə şairin kitabları, tərcümə etdiyi və redaktoru olduğu nəşrlər, haqqında dövri mətbuatda dərc olunmuş materiallar nümayiş etdirilib.

S.ABDULLAYEVA

525-ci qəzet.- 2013.- 19 noyabr.- S.7.