Azərbaycan
xalçaçılığı – milli
və bəşəri mədəniyyətin nadir
nümunəsi
(Əvvəli ötən sayımızda)
“Qarabağ” adı
ilə tanınan xalçalar Azərbaycanın
bütün xalçatoxuyan
məntəqələrində istehsal olunub və yenə də istehsal olunmaqdadır. İstehsal yerindən asılı
olaraq bu xalçalar müxtəlif
adlarla çağrılır,
lakin sənətkarlar
bu xalçaları “Qarabağ” adlandırırlar.
XIX əsrdə Şuşada İstanbul bazarlarına satış üçün istehsal olunan bu kompozisiyalı
xalçalar “Xan” və ya “Xan
Qarabağ” kimi müxtəlif adlar alıblar, eyni eskizlə Qubada toxunan xalçalar isə “Africa” adlanırdılar.
“Qarabağ” adı ilə tanınan xalçalar bir necə cür olur: bir neçə
medalyondan ibarət olan orta sahənin
kompozisiyası İran
və Hindistan bədii parçalarının
əsasən basma naxışlı pərdələrini
xatırladır. Bitki elementləri
ilə bəzədilən
bu medalyonları
XV-XVII əsr Təbriz
rəssamlarının tərtibatı
hazırlanan Quranın
və ədəbi-bədii
əsərlərin üz
qabığında rast
gəlmək olar.
Medalyonların yuxarı və
aşağı tərəfində
yerləşən başlıqlar
medalyonlar ilə orta sahə arasında boş yerləri doldurur. Həmçinin xalça
toxuyucuları arasında
“Çini-çeşni” adı
alan “Qarabağ”
xalçaları mövcuddur.
Bu xalçaların kompozisiyasını bir cərgədə yerləşən
səkkizguşəli medalyonlar
təşkil edir.
Xanlıq Azərbaycanın ən tanınan xalçatoxuma məntəqəsidir.
Burada istehsal olunan xalçalar incəsənət
əsərlərinin gözəl
nümunəsi olub və hər zaman da belə
olaraq qalmaqdadır.
Yüksək keyfiyyətləri ilə seçilirlər.
XIX əsrdə Cəbrayılda, xüsusilə
də Mirzəcanlı,
Əfəndilər, Daşkəsən,
Süleymanlı kəndlərində
istehsal olunan xalçalar Dünya bazarına və yarmarkalarına ixracat olunan xalçalardan daha gözəl hesab olunurdu. “Xanlıq” xalçasının
orta sahəsində böyük göl yerləşir. Onun yuxarı
və aşağı
hissəsində iki quba, orta sahənin
dörd küncündə
isə simmetrik yerləşən ləçək
yerləşir. “Xanlıq” xalçasına
xarakterik olan haşiyələr zolaqlardan
ibarətdir. “Xanlıq” xalçasının
orijinal nümunələri
xüsusi sifarişlə
toxunan mürəkkəb
kompozisiyalı xalını
özündə əks
etdirir. Məsələn, XIX əsrdə şairə
Xurşudbanu Natəvanın
müşayiəti altında
xalq arasında “xan qızı” kimi tanınan “Xanlıq” xalçası toxunub. Azərbaycan xalçaçılıq məktəblərindən olan
Qarabağ xalçaçılıq
məktəbinin Cəbrayıl
qrupuna aid edilən xovlu Qasımuşağı
xalçasıdır. “Qasımuşağı xalçası”nın adı indiki Laçın rayonunun şimalında yerləşən Şamkənd,
Ərikli, Kürdhacı,
Çorman və Şəlvə kəndinin
əhalisinin adı ilə bağlıdır.
Qasım
Hacı Sam oğlu, sözsüz ki, bir vaxtlar burada
yaşayan hörmətli
şəxs olub.
Bu kəndlərdə yaxın keçmişə
qədər yüksək
növ xalçalar istehsal olunub. “Qasımuşağı” xalçalarının orta
sahəsinin kompozisiyası
incəsənət nöqteyi-nəzərdən
orijinal olub, müxtəlif detallardan və elementlərdən ibarətdir. Xalçanın mərkəzində haşiyələrlə
əhatə olunan böyük medalyon yerləşir. Medalyonun ortasında
dördguşəli medalyon
(xonça) yerləşir.
Gölün yanlarından dörd
bir tərəfə burulan budaqlar ayrılır. Orta sahənin
yuxarı və aşağı hissəsində
mərkəzi medalyondan
çıxan, forma etibarilə
budağa oxşar bir neçə böyük “qol” yerləşir. Bu göllərin (böyük
gölün yuxarı
və aşağı
hissəsində) arasında
yalnız bu xalçalara xas olan və naxışın
ümumi rəsmini harmoniyalaşdıran qubpa
yerləşir.
Bəhmənli xalçasının adı
indiki Füzuli rayonunda yerləşən
Böyük Bəhmənli
kəndinin adı ilə bağlıdır. “Bəhmənli” xalçasının
orta kompozisiyası bir-birinin ardınca düzülən, orijinal formalı fiqurlar təşkil edir. Orta sahədə yerləşən
bir və ya iki fiqur
xüsusən maraqlı
olan kompozisiyadır.
Qocaman xalçatoxuyanların təxminlərinə
görə, bu fiqurlar “heykəl”, “manqal” və ya “çanq” (pənjə), digərləri
isə sanaqlıbağanı
təsvir edir. Belə bir nəticəyə gəlmək olar ki, heyvan fiquruna
bənzəyən bu fiqurlar müəyyən tayfanın totemi olan çanaqlıbağanın
təsviri ilə bağlıdır.
Qarabağ xalçaçılıq məktəbinin Şuşa qrupuna aid edilən Malıbəyli xalçaları öz adını Şuşa şəhərindən 15 km şimalda yerləşən Malıbəyli kəndinin adından götürüb. Bu kəndin kişi sakinləri heyvandarlıq və əkinçiliklə, qadınları isə xalça və gəbə toxumaqla məşğul olublar. Onların xalçaları bütün Qarabağda məşhur idi. Haqqında danışılan xalça yalnız Malıbəylidə deyil, həm də Qarabağın digər xalçaçılıq məntəqələrində toxunurdu. Bu kənd xalçaçılıq məhsullarının istehsalı ilə məşhurdur: çuval, xurcun, mərfəş, yəhər üstü örtük və s. Bunlar məişətdə və kənd–təsərrüfatında geniş istifadə olunurdu. Yaxın zamanlaradək Malıbəylidə naxışlı keçələr də toxunurdu, onun naxışları orta əsrlərdə Orta Asiyanın dekorativ incəsənət əsərlərinin naxışları ilə oxşardır. Malıbəyli xalçasının orta sahəsinin kompozisiyasını şaquli istiqamətdə yerləşən qellər təşkil edir. Bu qellər orijinal bədii xüsusiyyətlərə malikdir: onlar orta sahənin hansı hissəsində yerləşməsinə və kəmiyyətinə baxmayaraq, formalarına görə eynidirlər. Hər bir qelin mərkəzində hovuz təsviri yaradan kvadrat formalı element yerləşir, onun üzərində isə əks tərəflərə baxan iki ördək təsvir edilir.Ördəklər həyat əhəmiyyətli ünsürlərdən biri olan suyu simvolizə edən 5 formalı naxışlarla əhatə olunur. Kvadratlar özləri isə bulud təsviri yaradan naxışların forması olan ilanabənzər elementlərlə əhatə olunur. Məlum olduğu kimi, dekor elementi və bulud təsviri kimi Şərq dekorativ incəsənətinin bütün sahələrində qədim zamanlarda və orta sahələrdə istifadə olunan ördək təsvirləri xüsusilə suyu simvolizə edən rəmzi mənaya malikdir. IX əsrdən etibarən, bulud təsviri və uyğur – Çin incəsənətinin, xüsusilə miniatür və saxsı məmulatlarının digər dekorativ elementləri Azərbaycan xalq incəsənətinə daxil olur. Azərbaycan incəsənətinin bu elementləri belə asanlıqla qəbul etməsinin səbəbi yerli ictimai şərtlərlə, dini inanclarla və əhalinin həyat tərzi ilə bağlıdır. Yaxın Şərq ölkələrində və Azərbaycanda suyu balıq, ördək, düz və dalğalı xətlər və ya onların hissələri şəklində təsvir ediblər.
Təbriz məktəbini 2 yarımqrupa bölmək olar: Təbriz və Ərdəbil. Təbriz qrupuna aşağıdakı məşhur xalçalar daxildir: “Təbriz”, “Qeris”, “Ləçəkturunc”, “Əfşan”, “ağacalı”, “Dörd fəsil”. Ərdəbil qrupu isə “Ərdəbil”, “Şeyx Səfi”, “Sərabi”, “Şah Abbası”, “Mir” kimi xalçaları ilə məşhurdur. Bu qrupun yüksək inkişaf səviyyəsinə çatan bədii və texniki xüsusiyyətlərinə görə ənənəvi xüsusiyyətləri zaman keçdikcə Azərbaycandan kənarlarda da məşhurlaşmağa başlayıb. Bütün bu məktəblərin hər birinə aid xalçalar muzeydə nümayiş olunur.
Muzeydə nümunələri sərgilənən xalçaçılıq məktəblərini sadaladıqdan sonra bir məqamı da qeyd edək ki, Xalça Muzeyinin dördüncü mərtəbəsində ən müasir xalçalar sərgilənir, bundan əlavə Lətif Kərimov, Səttar Bəhlulzadə və digər rəssamların çəkdikləri rəsmlər əsasında toxunan xalçalar nümayiş olunur. Muzeyin sərgi konsepsiyası adi sərgilərdən fərqlənir. Əsas eksponatlar – xalçalar qövsşəkilli divarlardan asılır, onların da əksi bütün yuxarı mərtəbələrdən görünür. Bunun sayəsində sərginin böyük hissəsini müxtəlif rakurslardan izləmək mümkündür. Hər mərtəbədə muzeyin fondundan digər əşyaların və eksponatların sərgilənməsi üçün vitrinlər və platformalar quraşdırılıb ki, bu da sərgiyə tam dolğunluq verir və tamaşaçıların sərgini daha yaxşı izləməsinə şərait yaradır. Muzeydə nümayiş zalı da vardır. Burada xalçalar, naxışlar, xalçaçılıq sənətindəki ənənələr barədə filmlər nümayiş olunur. Xalçalardan əlavə muzeydə milli geyimlər də nümayiş olunur.
Muzey həftənin birinci günü istisna olmaqla bütün günlər fəaliyyət göstərir. Hər ayın sonuncu şənbə günü muzeyə gələn üçün açıq qapıdır. Gün ərzində muzeyə gələn turistlərin də sayı az deyil.
Göründüyü kimi, Azərbaycan xalça sənətinin çoxəsrlik tarixi var və bu gün də respublikanın rayon və kəndlərində xalça sənəti ənənələri ayrı-ayrı xalça ustaları tərəfindən davam etdirilir. Onların ənənəvi çeşnilərdə toxuduqları xalçalarda klassik kompozisiyalara yaradıcı münasibət qabarıq şəkildə özünü göstərir. Eyni zamanda xalçaçılıqda yeni-yeni kompozisiyalar, naxış elementləri meydana gəlir. Yeni yaranan çeşnilərdə nisbətən əyri xətlərlə işlənmiş nəbati naxışlara, insan, heyvan, quş təsvirlərinə, lirik və romantik üslubda yaradılmış süjetli kompozisiyalara meyl üstündür. Xalça sənətinin inkişafının digər bir qolu “Azərxalça” İstehsalat Birliyinin fəaliyyətidir. “Azərxalça” nın sex və emalatxanalarında toxunan xalçalarda ənənəvi naxış, göl və rənglərdən ustaların yaradıcı şəkildə etdiyi dəyişmələr klassik xalça kompozisiyalarını zənginləşdirir.
Samirə QULİYEVA,
Vəfa MƏMMƏDLİ
525-ci qəzet.- 2014.- 8 noyabr.- S.30.