50 yaşlı “Sehirli xalat”

Noyabrın 12-də Nizami Kino Mərkəzində C. Cabbarlı adına “Azərbaycanfilm” Kinostudiyasında çəkilmiş “Sehrli xalat” uşaq filminin 50 illik yubileyi keçirilib.

Mərkəzdən Lent.az-a verilən məlumata görə, Mədəniyyət və Turizm Nazirliyinin təşkilatçılığı ilə baş tutan yubiley tədbirində filmin rejissoru Əlisəttar Atakişiyev, ekran əsərində çəkilmiş Əliağa Ağayev, Möhsün Sənani, Ağahüseyn Cavadov, Anatoli Falkoviç, Hüseynağa Sadıxov kimi sənətkarlar yad edilib.

Yubileydə Cavid İmamverdiyevin ssenari əsasında çəkilmiş videoçarx nümayiş olunub və Nizami rayon Mədəniyyət Mərkəzinin əməkdaşı Rəna Kərimovanın rəhbərlik etdiyi uşaq qrupu çıxış edib. Filmdə çəkilmiş aktyorların filmin çəkilişi haqqında xatirələri maraqla qarşılanıb.

Nizami Kino Mərkəzinin foyesində əfsanəvi filmlə bağlı Dövlət Film Fondunun təşkil etdiyi fotosərgi nümayiş edilib.

525-ci qəzet.- 2014.- 14 noyabr.- S.7.