Aşıq Ədalət Nəsibovun 75 illiyi qeyd edilib

Bakı Şəhər Mədəniyyət və Turizm İdarəsinin təşkilatçılığı ilə oktyabrın 20-də Azərbaycan aşıq sənətində özünəməxsus yeri olan, Əməkdar İncəsənət Xadimi, Prezident mükafatçısı Aşıq Ədalət Nəsibovun 75 illik yubileyinə həsr olunmuş tədbir keçirilib.

İdarədən bildirilib ki, tədbir Aşıq Rza Qobustanlı adına mədəniyyət evində baş tutub.

Çıxış edənlər bu gün aşıq sənətini yaşadan ən gözəl nümayəndələrdən biri olan Aşıq Ədalət Nəsibovu təbrik edib və ona bundan sonrakı yaradıcılığında uğurlar arzulayıblar.

Tədbirdə iştirak edən aşıqlar öz gözəl ifaları ilə gecəyə rəng qatıblar.

Sonda ustad aşıq Ədalət Nəsibov çıxış edərək, yubiley tədbirinin belə yüksək səviyyədə təşkilinə görə bütün təşkilatçılara minnətdarlıq edib, onun sənətinə göstərilən bu cür diqqət və qayğıdan məmnun olduğunu söyləyib

S.Abdullayeva

525-ci qəzet.- 2014.- 23 oktyabr.- S.7.