"Azərbaycan"ın mart
sayı işıq üzü görüb
Bugünlərdə "Azərbaycan" jurnalının builki üçüncü sayı çapdan çıxıb. Jurnalın "Poeziya" bölməsində Camal Yusifzadə, Sabir Sarvan, Həyat Şəmi, Nazilə Gültac, Sabir Yusifoğlu, Fərid Həsənzadə, Dayandur Sevgin, Göyərçin Kərimi və Nuranə Nurun şeirləri yer alıb.
Seyran Səxavətin "Qaçaqaç" roman-memuarının əvvəli və Mübariz Cəfərlinin "Halə" povesti dərginin "Nəsr" rubrikasında verilib.
Şairə Nisə Bəyimin 60 illik yubileyi münasibətilə şeirləri dərc olunub.
"Anar belə dedi" mövzusunda
keçirilən dəyirmi
masada Xalq yazıçısı Anarın
"Göz muncuğu"
povesti müzakirə edilib. Əsəd Cahangirin moderatorluğu ilə keçirilən debatda akademik İsa Həbibbəyli, professor Nizami Cəfərov və tənqidçi Nərgiz Cabbarlı iştirak edib.
Əkbər Ağayevin 100 illiyi münasibətilə professor Vaqif
Yusiflinin yazdığı
"Ustad tənqidçi,
gözəl tərcüməçi"
adlı yazısı da jurnalın bu sayında təqdim olunub.
Şairlər Qəşəm Nəcəfzadənin
"Şəkillər" və Əli Rza Xələflinin "Sözün ucalığında"
məqalələrində İsa
İsmayılzadə ilə
bağlı xatirələr
qələmə alınıb,
yaradıcılığı təhlil edilib.
Elnarə
Akimovanın "Müasir
poeziyada çöküş
fəlsəfəsi" və
Asif Rüstəmlinin
"İstiqlal poeziyamızın
Dahisi" yazıları
jurnalın "Tənqid
və ədəbiyyatşünaslıq"
bölümlərində oxucuların
ixtiyarına verilib.
Günay
Qarayevanın "Gözəl
dünyadı, vallah..."
yazısında Xalq şairi Fikrət Qocanın bu yaxınlarda işıq üzü görmüş
"Seçilmiş əsərləri"
ilə bağlı fikirləri öz əksini tapıb.
S.ABDULLAYEVA
525-ci qəzet.- 2015.- 2 aprel.- S. 7.