"Azərbaycan mətbəxi" kitabı beynəlxalq mükafata layiq görülüb

Böyük Britaniyanın "Saqi Books" nəşriyyat evinin Tahir Əmiraslanov və Leyla Rəhmanovanın köməyi ilə hazırlanan "Azərbaycan mətbəxi" kitabı ən yaxşı Şərqi Avropa kitabı və ən yaxşı yemək kitabı kateqoriyasında Dünya Qurman Yemək Kitabı 2014 mükafatını qazanıb.

Mədəniyyət və Turizm Nazirliyinin mətbuat xidmətindən bildirilib ki, yüzdən artıq dadlı yemək reseptləri ilə zəngin olan Azərbaycan mətbəxi bölgənin ekzotik və müxtəlif ləziz dadları üçün əla başlanğıc hesab olunur.

Əsası 1983-cü ildə Londonda qoyulan "Saqi Books" nəşriyyat evi Şimali Afrika və Yaxın Şərqdə akademik və müxtəlif maraqlara uyğun keyfiyyətli kitablar nəşr edir.

S.ABDULLAYEVA

525-ci qəzet.- 2015.- 11 fevral.- S.7.