Qısa müddətdə əldə edilən
mühüm nailiyyətlər
ÖTƏN DÖVRÜN TƏHLİLİ GÖSTƏRİR Kİ, SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİ QARŞIYA QOYULAN VƏZİFƏLƏRİ UĞURLA YERİNƏ YETİRİR
Bu gün Silahlı
Qüvvələrlə cəmiyyət
arasında münasibətlərin
tənzimlənməsində, ordu bölmələri üçün müxtəlif
ixtisaslar üzrə çağırışçıların hazırlanmasında Səfərbərlik
və Hərbi Xidmətə Çağırış
üzrə Dövlət
Xidmətinin mühüm
rolu var.
2012-ci ilin 13 fevral
tarixində Prezident İlham Əliyevin fərmanı ilə yaradılmış Səfərbərlik
və Hərbi Xidmətə Çağırış
üzrə Dövlət
Xidməti qarşısına
qoyulan vəzifələrin
öhdəsindən uğurla
gəlir. Artıq cəmiyyətdə qəbul olunur ki, Xidmətin yaradılması zamanın
tələbi idi.
Müasirləşən və dəyişən
dünyada yeni tələbləri qarşılamaq
üçün islahatların
zaman-zaman, ardıcıl
həyata keçirilməsi
strukturların fəaliyyətini
stimullaşdıran faktordur.
Səfərbərlik və Hərbi
Xidmətə Çağırış
üzrə Dövlət
Xidmətinin yaradılması
orduya çağırış
işinin təkmilləşdirilməsinə
müsbət təsir
etdi. Xidmət haqqında qanunda
sözügedən strukturun
vəzifələri aydın
göstərilir. Orada
göstərilir ki, Azərbaycan Respublikasının
Səfərbərlik və
Hərbi Xidmətə
Çağırış üzrə Dövlət Xidməti Azərbaycan Respublikası vətəndaşlarının
hərbi-vətənpərvərlik tərbiyəsi, müddətli
həqiqi hərbi xidmətə çağırışaqədərki
hazırlığı, həqiqi
hərbi xidmətə
çağırışı, ehtiyatda xidmətkeçməsi,
səfərbərlik hazırlığı
və səfərbərlik
üzrə çağırışı,
xüsusi hərbi ixtisaslar üzrə hazırlığı, ali
təhsil müəssisələri
tələbələrinin zabitlər
hazırlanan xüsusi
proqram üzrə hərbi hazırlığı
həyata keçirən
mərkəzi icra hakimiyyəti orqanıdır.
Eyni zamanda, Azərbaycan Respublikası Silahlı Qüvvələrinin və
qanunvericiliklə nəzərdə
tutulmuş digər silahlı birləşmələrin
sülh dövründə
çağırışçılarla,
səfərbərlik zamanı
və müharibə dövründə Silahlı
Qüvvələrin və
digər silahlı birləşmələrin, habelə
xüsusi birləşmələrin
hərbi vəzifəlilərlə
və hərbi-nəqliyyat
vasitələri ilə,
eləcə də mülki heyət vəzifələrində işləmək
üçün vətəndaşlarla
komplektləşdirilməsi sahələrində dövlət
siyasətini və tənzimlənməsini həyata
keçirmək də
bu Dövlət Xidmətinin vəzifələri
sırasındadır. Səfərbərlik və Hərbi Xidmətə Çağırış
üzrə Dövlət
Xidmətinin əsas vəzifələrindən biri
də müəyyənləşdirilmiş
vaxtda və qaydada hərbi vəzifəlilərin təlimlərə
cəlb olunmasını
təmin etməkdir.
Ölkəmiz müharibə şəraitində
yaşadığından, daim
müharibənin başlanması
ehtimalı gözlənildiyindən
səfərbərlik işinin
çevik təşkil
edilməsinin müharibənin
taleyinə necə təsir edəcəyini aydın təsəvvür
etmək olar. Artıq ötən ilin yay aylarından başlayaraq cəbhə xəttində atəşkəs
düşmən tərəfindən
davamlı olaraq pozulur.
Cari ilin yanvar ayı ərzində isə düşmən tərəfi
özünün cəhd
etdiyi diversiya-təxribat
hərəkətlərinin nəticəsi olaraq xeyli itki verib. Bütün
bunlar torpaqlarımız
uğrunda savaşın
hər an başlana biləcəyi ehtimalının yüksək
olduğunu göstərir.
Bu baxımdan səfərbərlik işinin
əhəmiyyəti şübhəsizdir.
Ötən ilin iyul ayında Silahlı Qüvvələrin cəbhə
xəttində keçirdiyi
irimiqyaslı təlimlərdə
3 min nəfərdən artıq
ehtiyatda olan hərbi vəzifəli şəxs cəlb olunmuşdu. SHXÇDX hərbi vəzifəlilərin
təyin edilmiş yerə müəyyənləşdirilmiş
zamanda çatdırılmasını
peşəkarlıqla təmin
etdi. Hərbi vəzifəlilərin təlimlərə
cəlb edilməsi sahəsində ən iri miqyaslı hadisə ötən ilin sentyabrında baş verdi.
Sentyabrın 13-dən 20-dək keçirilən
irimiqyaslı əməliyyat-taktiki
və komanda-qərargah
təlimlərində 10 min nəfərədək hərbi
vəzifəli iştirak
edirdi.
Səfərbərlik və Hərbi Xidmətə çağırış
üzrə Dövlət
Xidmət yüksək
peşəkarlıq nümayiş
etdirərək hərbi
vəzifəlilərin toplanışa
cəlb edilməsi üçün qarşısına
qoyulmuş vəzifələri
uğurla həyata keçirdi.
Qurumun fəaliyyətində hərbi
xidmətə hazırlaşan
çağırışçılarla
iş və Vətən qarşısında
borcunu yerinə yetirərək mülki həyata qayıdan gənclər arasında təbliğat xarakterli işlərin aparılması
da mühüm yer tutur.
Məlumdur ki, hərbi xidməti başa vuraraq mülki həyata qayıdanlar müəyyən müddət
adaptasiya dövrü keçməlidirlər. Bunun üçün
müvafiq qurumların
üzərinə müəyyən
işlər düşür.
Son dövrdə Səfərbərlik və
Hərbi Xidmətə
Çağırış üzrə Dövlət Xidməti bu istiqamətdə bir çox tədbirlər həyata keçirib.
Xidmət yerli icra hakimiyyəti və "Tərxis Olunmuş Hərbçilərin Gəncləri
Maarifləndirmə" İctimai
Birliyi ilə birgə, hərbi xidmətdən qayıdan gənclərlə Qaradağ,
Nizami, Nərimanov, Binəqədi, Xətai rayonunda görüşlər
gerçəkləşdirib. Bu görüşlər zamanı rayon ictimaiyyətinin
nümayəndələri hərbi
xidmətdən qayıdan
gənclərlə birbaşa
ünsiyyətdə olaraq
onların çətinlikləri
ilə maraqlanıblar.
Qeyd etmək
lazımdır ki, belə görüşlər
tərxis olunmuş gənclər arasında müxtəlif mövzularda
maarifləndirmə işlərinin
aparılmasına, eyni
zamanda onların problemlərin həlli istiqamətdə müvafiq
strukturların çalışmasına
şərait yaradır. Həmçinin Xidmət orta məktəblərdə müxtəlif
tədbirlər təşkil
edərək gənclərdə
hərbi sahəyə
diqqətin artırılması,
hərbi vətənpərvərlik
təbliğatı sahəsində
də böyük işlər görür.
Səfərbərlik və Hərbi
Xidmətə Çağırış
üzrə Dövlət
Xidmətinin uğurları
sırasına vətəndaşlara
elektron xidmətlərin
göstərilməsini təmin
etmək də daxildir. Elektron xidmətlərə keçidin
nəticəsində Xidmətin
internet saytı vasitəsilə
hərbi xidmətkeçmə
haqqında arayışın
verilməsi üçün
müraciətin və
sənədlərin qəbulu,
Səfərbərlik və
Hərbi Xidmətə
Çağırış üzrə Dövlət Xidmətinə həqiqi hərbi xidmətə (işə) qəbulla əlaqədar müraciətin
və sənədlərin
qəbulu, arxiv arayışlarının verilməsi
üçün müraciətin
və sənədlərin
qəbulu, itirilmiş
hərbi biletlərin
(ilkin hərbi qeydiyyata alınma haqqında vəsiqələrin)
əvəzinə yenisinin
verilməsi üçün
müraciətin və
sənədlərin qəbulu
elektron qaydada həyata keçirilir. Həmçinin artıq çağırışçılar
hərbi xidmət keçəcəkləri hərbi
hissə barədə
məlumatlar internet və
ya SMS vasitəsilə
əldə edə bilirlər.
Səfərbərlik və Hərbi Xidmətə Çağırış
üzrə Dövlət
Xidmətinin həyata
keçirdiyi işlərdən
biri də Silahlı Qüvvələr
üçün müxtəlif
sahələr üzrə
ixtisaslı kadrların
hazırlanmasıdır. Yarandığı dövrdən başlayaraq
Xidmət bu istiqamətdə bir sıra işlər həyata keçirib.
Silahlı Qüvvələrin
ehtiyacı üçün
ixtisaslı kadrların
hazırlanmasını təmin
etmək məqsədilə
Azərbaycan Respublikası
Prezidentinin 13 iyul
2012-ci il tarixli Fərmanı ilə Səfərbərlik və
Hərbi Xidmətə
Çağırış üzrə Dövlət Xidmətinin tabeliyində
"Hərbi Vətənpərvərlik
və Mütəxəssis
Hazırlığı Mərkəzi"
Məhdud Məsuliyyətli
Cəmiyyəti (MMC) yaradılıb.
Sözügedən Mərkəz bir
sıra ixtisaslar üçün çağırışçıların
hazırlanması işini
həyata keçirir.
İlkin
dövrdə Mərkəzdə
ordu üçün sürücü və aşpaz kursları təşkil edildi. Həmçinin müxtəlif zirehli
texnikalar üçün
sürücülərin, snayperlərin,
mühəndis istehkamçıların,
rabitəçilərin, paraşütçü-desantçıların
yetişdirilməsi üçün
hazırlıqlara başlanıldı.
Artıq elan edildiyi kimi 2015-ci ilin 2 fevral tarixindən
"Hərbi Vətənpərvərlik
və Mütəxəssis
Hazırlığı" MMC-nin Silahlı Qüvvələr üçün
snayper, rabitəçi
və paraşütçü
xüsusi hərbi ixtisasları üzrə mütəxəssislərin hazırlanmasına
başlanılacaq. Bu ixtisaslar üçün vacib olan maddi-tədris
bazası artıq formalaşdırılıb və
"Hərbi Vətənpərvərlik
və Mütəxəssis
Hazırlığı" MMC ordu bölmələri üçün sözügedən
sahələr üzrə
hazırlıqlı hərbçilər
yetişdirəcək. Snayper kursları "Hərbi Vətənpərvərlik
və Mütəxəssis
Hazırlığı" MMC-nin Sabunçu və Nəsimi rayon 1 nömrəli filiallarında,
rabitəçi kursları
Bakı şəhər
filialı, Binəqədi
rayon 1 nömrəli filial, Zaqatala
rayon və Şəki
şəhər filialında,
paraşütçü kursları
isə Balakən rayon
1 nömrəli filialda
təşkil ediləcək.
Bütün bunlar Səfərbərlik
və Hərbi Xidmətə Çağırış
üzrə Dövlət
Xidmətinin yarandığı
vaxtdan keçən qısa müddətdə
- 3 il ərzində
gördüyü mühüm
işlərdir. İnanırıq ki, Xidmətin bundan sonrakı fəaliyyəti dövlətimiz,
ordumuz, bütövlükdə
xalqımız naminə
yeni-yeni nailiyyətlərlə
daha da yaddaqalan
olacaq.
Emin HƏSƏNLİ
525-ci qəzet.-
2015.- 12 fevral.- S2.