"Göygöl" ansamblı Beynəlxalq Muğam Mərkəzində konsert verib

Beynəlxalq Muğam Mərkəzində Xan Şuşinski Fondunun dəstəyi və təşkilatçılığı ilə Gəncənin "Göygöl" mahnı və rəqs ansamblı geniş konsert proqramı ilə çıxış edib.

Beynəlxalq Muğam Mərkəzindən bildirilib ki, konsert Xalq artisti, tarzən Fikrət Verdiyevin bədii rəhbərliyi ilə gerçəkləşib.

Konsertdə Əməkdar artist Sevinc Sarıyeva, gənc xanəndə Ehtiram Hüseynov, solistlər Mehbarə Cəfərova, Kamilə Nəbiyeva və başqaları çıxış ediblər.

Gecədə gənc solistlərin ifasında bir sıra xalq və bəstəkar mahnıları, muğamlar və təsniflər səsləndirilib.

S.ABDULLAYEVA

525-ci qəzet.- 2015.- 12 noyabr.- S.7