"Muğamatım bir dəryadır"

 

 

Üzeyir Hacıbəyli adına Bakı Musiqi Akademiyasında "Muğamatım bir dəryadır" musiqi təlimi keçirilib.

 

Prezident yanında Gənclər Fondunun dəstəyi Bakı Musiqi Akademiyasının təşkilatçılığı ilə baş tutan təlim üç gün davam edib.

 

Layihənin rəhbəri İlahə Qismətin bildirdiyinə görə, təlimin əsas məqsədi gənc ifaçılara bu sahəyə marağı olan şəxslərə muğam sənətinin sirlərini öyrətmək, həmçinin onların incəsənətə olan marağının artırılmasına kömək etməkdən ibarətdir.

 

Təlimdə iştirakçılar muğamla bağlı onları maraqlandıran bir çox suallara cavab taparaq əyani muğam parçalarını dinləməklə yanaşı, şifahi ənənəvi professional muğamlarımız haqqında maarifləndiriliblər.

 

Belə ki, təlim görkəmli muğam ifaçıları Xalq artisti, dosent Zümrüd Məmmədova, Əməkdar İncəsənət Xadimi, professor, bəstəkar Aydın Əzimov, Əməkdar artist, dosent Mirnazim Əsədullayev musiqişünas Fərdin Məmmədlinin iştirakı ilə baş tutub.

 

Qeyd edək ki, layihə çərçivəsində gənc musiqiçilər musiqisevərlər ustad sənətkarlar tərəfindən professional muğamlarımız haqqında biliklərə yiyələnməklə yanaşı, mövzu ətrafında bir sıra elmi müzakirələrdə iştirak ediblər.

 

S.ABDULLAYEVA

525-ci qəzet.- 2015.- 19 noyabr.- S.7