Çin - qədim sivilizasiya və
müasir möcüzələr ölkəsi
(Əvvəli
ötən şənbə sayımızda)
Sənaye
inkişafı və kənar zonalardakı dəyişikliklər
Müasir sənaye inkişafının birinci
dövründə (1861-1872-ci illər) cəhd istiqaməti
odlu silah və maşınlar manufakturalarında cəmləşmişdi. Çox sayda
kiçik müəssisələr yaranmışdı. Lakin onların istehsal səviyyəsi ümidləri
doğrultmurdu. İkinci dövrdə
(1872-1894-cü illər) ağırlıq silahlar sənayesindən
manufakturaların geniş sahəsinə dəyişildi.
Başlıca sərmayə qoyanlar kompradorlar
(iqtisadi cəhətdən geridə qalmış ölkələrdə
burjuaziyanın bir hissəsi olmaqla, onlar xarici kapitalla milli bazar
arasında vasitəçilik edirlər) idi. Onlar Çin kommersiyası ilə müqavilənin
izn verdiyi limanlardakı xarici firmalar arasında birləşdirici
həlqəni təşkil edirdi və özlərinə
böyük sərvət toplamışdılar.
1760-cı ildən sonra Şərqi Türküstanda,
Kaşkariyadan qərbdə Fərqanədə qüdrətli
karvan ticarətinin mərkəzi kimi Kokand xanlığı
meydana gəldi. Mükəmməl üsyan Şensidən
və Kansudan sürətlə Şərqi Türküstana
keçdi. Kokand avantüristi Yaqub bəy
Kaşkariyaya müdaxilə etmək imkanı qazandı və
1865-ci ildə orada özünün hakimiyyətini qurdu.
O, Hindistanda britaniyalıları dəstəkləmək istəyirdi.
Kansudakı müsəlman üsyanını
1879-cu ildə yatırtdıqdan sonra Taypin generalı
1876-cı ildə Urumçini işğal etdi.
Nepalla Britaniya Hindistanı arasındakı sərhəd
mübahisəsi 1801-ci ildən sonra qəflətən baş
verməklə, 1814-1816-cı illərdən ingilis-Nepal
müharibəsinin getməsinə səbəb oldu. Nepalda siyasi
iğtişaşlar dövründə 1832-ci ildən sonra
ingilislər əleyhinə olan dəstə hakimiyyəti ələ
keçirdi və Çindən kömək göstərilməsini
aradı, lakin bu təklif rədd edildi. 1846-cı
ildə Nepalın baş naziri gənc Bahadur Britaniya meylli siyasət
yeritməyi qərara aldı. Çindəki
Taypin üsyanından fayda götürüb, 1855-ci ildə
Tibetə müdaxilə etdi. Tsinin Tibetə
nəzarəti 1792-ci ildə öz yüksək nöqtəsinə
çatmışdı. Lakin Çin
Tibeti xarici müdaxilələrdən qorumağa qadir deyildi.
1802-ci ildə Vyetnamda yeni sülalə yarandı və
Tsin onu tanıdı. Vyetnamda ikinci və üçüncü
kralların hökmranlığı ərzində (1820-ci illər)
xristianlığın təqibi gücləndi. Fransızlar Tonkin deltasına gözlərini
dikmişdilər, buraya Qırmızı çay
axırdı, onunla asanlıqlaYunnana keçmək olardı.
1882-1883-cü illərdə fransızların
Tonkini işğal etməsinə və Vyetnama (Annam adı
altında) Fransanın protektoratı statusunu elan etməsinə
qarşı Tsin Tonkinin şimal sərhədində ordusunu
artırdı. Bu vaxt məsələnin
dinc həlli üçün paralel cəhdlər edilsə də,
onlar uğursuzluqla nəticələndi və hər iki
ölkə müharibəyə hazırlıq görməyə
başladı. 1884-cü ildə fransız
hərb gəmiləri Fuuçouda hücum edib, Çin
donanmasını və oradakı tərsanəni
darmadağın etdi. Ancaq sonra fransız hərbi-dəniz
qüvvələri və ordusu pat vəziyyətinə
düşdü və 1885-ci ildə barışıq əldə
edildi.
1868-ci ildəki
Meyci bərpasının (Yaponiyada siyasi dəyişikliklər
dövrü, syoqunatın ləğv edilib, imperatorun - mikadonun
real hakimiyyətinin bərpa edilməsi dövrü)
başlanmasından üç il sonra
Çinlə Yaponiya arasında kommersiya müqaviləsi
imzalandı. 1872-ci ildə Meyci hökuməti Ryukyu kralına
vassil çar titulu verdi və sonrakı
ili adanın xarici işlərinə nəzarəti ələ
keçirdi. Tayvan tayfa adamları tərəfindən
törədilən ryukyuluların gəmi qəzasındakı
qırğınına cavab zərbəsi kimi Tokio hökuməti
Tayvana cəza ekspedisiyası göndərdi. Bu vaxt yaponlar məsələni müzakirə etmək
üçün Pekinə elçi göndərdi və Pekin
Yaponiyaya dəyən zərərin ödənilməsi ilə
razılaşdı.
Koreyada (Çoson) oğlan uşağı olan çar
1864-cü ildə taxt-tacdan devrildi. 1866-cı ildə orada
xristianların bütün millət səviyyəsində təqib
edilməsi başlandı və orada fransızlar və
amerikanlar dəf edildilər. Bu asan iş olmasa da, Tsin məsələyə
müdaxilə etmədi.
Meyci bərpasından sonra Yaponiya çoxlu cəhdlər
etdi ki, Koreya ilə yeni və birbaşa əlaqələrə
girsin, lakin bu cəhdlərin hamısı əbəs idi. Yapon
elçiləri Qərb dəbində olan paltarda Koreyaya gəldilər,
bu isə koreyalılar üçün qəbul edilən
deyildi. 1875-ci ildə yapon elçisi Pusanda
danışıqlara başladı, lakin söhbət
uzanırdı. Yaponiya səbirsiz qaydada hərbi
gəmilərini Koreyaya göndərdi. 1876-cı
ildə imzalanan müqaviləyə görə Koreyanın
müstəqil və Yaponiya ilə bərabər bir mövqedəki
dövlət olması etiraf edildi. Bu vaxtdan etibarən
Tsin Koreyaya öz təsirini artırmağa çalışırdı, Koreyanın Birləşmiş
Ştatlar üçün açılmasına kömək
etdi və Çin meylli koreyalıların modernləşdirmək
cəhdlərini dəstəkləyirdi. Lakin
Koreyada olan güclü konservatizm və ksenofobiya qiyamın
başlanmasına səbəb oldu. 1882-ci
ildə qiyam başçısı kraliça Mini və onun əyanlarını
sürgün etdi və yapon diplomatik missiyasının
binasını yandırdı. Tsin Koreyaya
ordu göndərib, qiyam başçısını həbs
etdi və kralın Yaponiya ilə müqavilə
bağlamasını təkid etdi. Beləliklə,
suverenlik üstündə Tsinin iddiası bir daha özünü
göstərdi.
1895-ci ilin fevralında Yaponiyaya gələn çinli
elçi aprelin 17-də Şimonoseki sülh müqaviləsini
imzaladı, sənədin başlıca mövzusu Koreyanın
müstəqilliyinin etiraf edilməsi idi.
Rusiyanın, Almaniya və Fransanın Yaponiyaya birgə
müdaxiləsindən bilavasitə sonra, 1896-cı ildə
Rusiya Yaponiyaya qarşı Çinlə məxfi müttəfiqlik
müqaviləsi imzaladı. Bu sazişə əsasən
Rusiya Şimali Mancuriyadan keçən Çin Şərqi Dəmir
yolunu tikmək hüququnu əldə etdi. 1897-ci
ildə almanlar Çiao-çou körfəzini tutdu ki, əyalətdə
iki dəmir yolunu tikmək hüququnu onlara verməyə
Çini məcbur etsin. 1898-ci ilin
martında Rusiya Port Arturu işğal etdi və əlavə
iki limanı icarəyə götürməyi əldə etdi,
həm də onları Çin Şərqi Dəmir yolu ilə
birləşdirən dəmir yolunun tikintisini də öz
üzərinə götürmək hüququna yiyələndi.
Çin məcbur edildi ki, Yantszı vadisinin
Britaniyanın təsiri altında olmasını
tanısın. İmkandan vaxt itirmədən
yararlanan Yaponiya Fukien əyalətini öz təsiri altına
keçirdi. Fransa isə Kuan-çou
körfəzini icarəyə götürdü və
üç cənubi-qərbi əyaləti öz təsir
zonasına çevirdi. Beləliklə,
Çin parçalanmaq həddində idi.
Özünü möhkəmləndirmək hərəkatının
tərəfdarları hər bir institutsional və ya ideoloji dəyişikliyi
faydasız olan kimi qiymətləndirirdilər. Lakin 1885-ci ildən
sonra bəzi aşağı dərəcəli məmurlar və
komprador intellektuallar institutsional islahatları və parlamentin
yaradılmasını vurğulamağa başladılar.
Həm də onlar Pekin sarayına və yüksək
məmurlara islahatın ümumilikdə vacibliyinin Çin
klassiklərinə əsaslandığını sübut etməli
idilər.
Görkəmli islahat lideri və ideoloqu Kan Yu-vey
(1858-1925-ci illər) islahatçılığı klassiklər
üzərində qurmuşdu. Tarixdə dəyişikliyin
vacib olduğunu göstərmək üçün Konfutsi və
Buddizm kanonlarından istifadə edilmişdi, bunlara müvafiq olaraq
islahat zəruri idi. Digər mühüm
islahatlar isə insan haqlarını və müstəqilliyi
vurğulayırdı, onlar sonralar Qərb fəlsəfəsinin
təsiri altında insan haqları məsələsinə və
millətçiliyə tərəf dönmüşdülər.
1895-ci ilin aprelində davam edən müharibədə
yaponların qələbəsinin qaçılmaz olduğu
meydana çıxdıqda Kan institutsional islahatı müdafiə
etməyə başladı. O və digər islahatçılar
milli özünü möhkəmləndirməni öyrənmək
cəmiyyətləri yaratdılar. 1898-ci ilin aprelində
Pekində himayə edən dövlət, millət və milli
din şüarı altında Milli Himayə Cəmiyyəti
quruldu. Kan imperator Kuan-hsüyə
(1875-1908-ci illərdə hökmranlıq etmişdi) əsaslı
islahatlar keçirmək məqsədilə qalib gəldi və
axırıncı tələsik radikal islahatlara
başladı. Bu, 100 gün davam etdi.
İslahat hərəkatı heç bir praktiki
nəticə əmələ gətirmədi. Nəticədə mühafizəkarlar reaksiya vermək
üçün provokasiya edildilər. 21
sentyabrda imperator həbs nəzarəti altına salındı
və dul imperatriçə inzibatçılığı ələ
keçirdi. O, islahat hərəkatına son qoydu. İslahatçılar isə tam mühafizəkar
olan dul imperatriçəni hakimiyyətdən
uzaqlaşdırmaq üçün qəsd
hazırlamışdılar və onun üstü
açıldıqda, mühafizəkarlar bundan istifadə edib,
əslində sarayda çevriliş etdilər.
1896-1898-ci illərin böhranı Şandunda əcnəbilər əleyhinə olan iğtişaşa səbəb oldu. Mömin və Harmonik Yumruqlar adlanan qrup səhnəyə çıxdı, onlar sirli boks sənətinin heç də kövrək bir iş olmadığına inanırdılar. Qrupa başçılıq işi ümumən Ağ Lotos cəmiyyətinin əlində idi, bu isə Taypin müharibəsi illərində yaradılmışdı. Boksçular (onlar Qərbdə belə adlanırdılar) almanların Şandunda irəliləməsindən qalxan güclü anti-əcnəbi hissi dalğasında öz üzvlərinin sayını artırmışdılar. Bura üzvlər əsasən kəndlilər sırasından gəlirdi. Üstəlik, Boksçuların genişlənməsi Şimali Çindəki təbii fəlakətlə də sıx bağlı idi. 1895-ci ildən sonra Huan Honun demək olar ki, hər il daşması, 1899-1900-cü illərdə Şimali Çinə quraqlığın hücumu nəhəng sayda aclıq çəkən adamlar ordusu yaratmışdı.
1899-cu ildə meydana çıxan Boksçuların bir hissəsi “Tsini və əcnəbiləri dayandırmağa dəstək” şüarı altında saraya girmək imkanı qazanmaq üçün hərəkət etdilər. Nəticədə, 1900-cü ilin mayında Tsin hökuməti öz siyasətini dəyişdi və Boksçulara gizlincə dəstək verdi.
Boksçular tərəfindən xarici ölkə missiyalarının mühasirəsi 20 iyunda başlanmışdı, bir gün sonra imperatriçə əyalət qubernatorlarının düşmənçilikdə iştirak etməsi bəhanəsi ilə müharibə elan etdi.
İki min adamdan ibarət beynəlxalq kömək Tientsindən Pekinə yollandı, lakin yolda müqavimət göstərilən Boksçular geri qayıtmağa məcbur oldular. Əcnəbi hakimiyyətlər bu dəfə 19 min nəfərlik qoşun göndərdilər. Qoşun Pekinə girib, 15 avqustda şəhəri tutdu. İmperatriçə və imperator Siana qaçdılar.
Antixristian mübarizənin sıralarından inkişaf edən Boksçu irəliləyişi sadəlövh, ancaq qəddar olmaqla əcnəbilərə məxsus olan hər şeyi məhv edirdi. Adamlar inanmışdı ki, onların bədbəxtliklərinin əsas mənbəyi məhz əcnəbilərdir. İğtişaş vətənpərvərlik və milli çinli hərəkatının bir sıra cəhətlərinə malik idi. Digər bucaqdan baxdıqda isə Boksçular fanatizmə yuvarlanmışdılar və çox sayda kiçik liderlərə nəzarət etməyə qadir olan bir qərargaha malik deyildilər. Xalqı daha səmərəli təşkil etmək barədə də intellektualların elə bir düşüncəsi də yox idi.
1899-cu ildə kommersiyada Açıq Qapı siyasətini elan edən Birləşmiş Ştatlar 1900-cü ilin iyulunda öz siyasətinin ikinci bəyanatını verdi. Bu bəyanata görə Çinin ərazi bütövlüyü və inzibati varlığı saxlanılırdı. Birləşmiş Ştatlar qərbi Sakit okean zonasında yeni ərazi əldə etməklə, Çinin ərazi varlığını digər böyük dövlətlərdən qorumaqla, Çində öz kommersiya maraqlarını himayə etmişdi. 1900-cü ilin oktyabrında bağlanan ingilis-alman sazişi Yaponiya və Rusiyanın can atdığı sonrakı ərazi parçalanmalarının qarşısını almaqla yanaşı, onun meydana gəlməsində mühüm rol oynamışdı. Dövlətlərin qarşılıqlı olaraq bir-birini böyük iştaha cəhdlərindən saxlaması Çinin parçalanmasının qarşısını aldı.
Narazılığın son həlli 1901-ci ilin
sentyabrında imzalandı. 450 milyon tayel-lyan (həmin dövrdəki
Çin pul vahidi) məbləğindəki təzminat
Çin tərəfindən 39 il ərzində ödənilməli idi. Həm də razılaşma tələb edirdi ki, dənizlərdəki
fortlara daimi mühafizəçilər qoyulsun və onlar
Pekinin nəzarətindən çıxarılsın. Bu müstəqil Çinin mövcudluğunu sadəcə
bir yalana çevirirdi. Üstəlik, cənub
əyalətləri böhran ərzində faktiki olaraq
müstəqil idi. Bu hadisələr
Çinin nüfuzunun süqutu demək idi.
(Ardı var)
Telman Orucov
525-ci qəzet.- 2015.- 3 oktyabr.- S.26