"Dağlarda şəhid səsi" işıq üzü görüb

Bu yaxınlarda şair və publisist Güləmail Muradın "Dağlarda şəhid səsi" kitabı çapdan çıxıb.

Kitaba Milli Məclisin üzvü, professor Nizami Cəfərov ön söz yazıb: "Güləmail Murad imzası geniş oxucu kütləsinə yaxşı tanışdır. Mən də uzun illərdir ki, onu tanıyır, dövri mətbuatda şeirlərini maraqla izləyirəm. Bir neçə gün öncə mənə verdiyi "Dağlarda şəhid səsi" kitabının əlyazmasını oxudum və qənaətim bu oldu ki, doğrudan da, Güləmail Murad vətəndaş şairdir. Bu kitabda mən iki obraz gördüm. Bir ana, qadın olan Güləmail, bir də şair səciyyəsi olan şair Güləmail. Hər ikisi yüksək vətəndaş duyğusu ilə bir-birini tamamlayır..." N.Cəfərov vurğulayıb ki, kitabdakı yazıların dili oxunaqlıdır, emosionaldır.

Kitabda müəllifin vətənpərvərlik mövzusunda yazdığı şeirlər, Milli Qəhrəmanlarımız haqqında qələmə aldığı publisistik yazılar yer alıb.

S.MÜRVƏTQIZI

525-ci qəzet.- 2015.- 20 yanvar.- S.7.