Kiməm mən?

Hərdən düşünürəm, görən kiməm mən?

Sazdan ayrı düşdüm, qırıq siməm mən.

Dərdimi-qəmimi kimsə bilməyir,

Özüm öz içimdə bir tilsiməm mən.

Fikrim göylərdədir, qalıram orda,

Özümü çox xoşbəxt sanıram orda.

Min dərdin əlindən qaçıb gedirəm,

Dərdimi-qəmimi qoyuram burda.

Necə ki enirəm bu ucalıqdan,

Elə əzablarla vuruşuram mən.

Getməyə bir yerim, bir yurdum olmur,

Bu acı qismətlə barışıram mən.

Sənəm ŞAHMƏMMƏDLİ

525-ci qəzet.- 2016.- 16 yanvar.- S.29