Müəllim

Sənə hörmətim var hədsiz-hüdudsuz,

Hər zaman arxasan mənə, müəllim.

Keçdiyin uğurlu, şərəfli yollar,

Fikrində canlanır yenə, müəllim.

Elə bil, qarşında donmuşdur zaman,

Ən ülvi istəksən, ən təmiz insan.

Bizi gələcəyə səslədin hər an,

Yaraşır təriflər sənə, müəllim.

Sən böyük varlıqsan, ustadsan bizə,

Daim yetişmisən köməyimizə.

Qatıb gecələri nurlu gündüzə,

Çıxardın bizləri günə, müəllim.

525-ci qəzet.- 2016.- 16 yanvar.- S.28

Bəhruz BABAŞOV